KTO-USA

Shata pru manau pa a shingdu labau kadun

Posted by Admin Monday, July 10, 2023 0 comments

JINGHPAW MUNGDAW NSEN

kailang pyi n sharat ma ai. Kaning n chyum hka sa ja ai zawn n pru n mai re ai lam ni nga wa yang, lagaw hpe laja hpaw hte hkayawp na she pru mai ai. Mare masha ni mung dai shani tup bungli bungsi n galaw ai. Bu n hkawm ai. (8) Manau Shadung Baw Ai Lam:- Manau shadung hpe laning mi ladu bai hkrum jang she Lamu Madai Nat hpe shawng jaw jau nna baw ra ai. Manau shadung garai n baw ai laman dai nta hta masha si tim makoi mayang ai lam, tsu shawawn ai lam garai n galaw ai sha, du-u hte hpawn, wan wawn nna rem da ra ai. Manau shadung baw ngut ai hpang she makoi mayang mai ai. Daini na ten prat, law htam mayat, hkik hkam jat sai ten e, manau shadung hpe galoi mung bai n baw na hku ngang kang hkra, hpri hpe bilat hte hkawp na arawng lu shingkang pru na hku galaw shachyaw bang wa sai. Dai hte maren, manau shadung hpe ladu hkrum jang she gumgun gumhpai jaw jau shagreng na mai baw ai htunghking mung, baw kau n ra ai htunghking de galai shai mat wa ai lam gaw, htunghking tat shamat ai lam n rai; htunghking a rawt jat ai lam she rai nga mali ai.

SHATAPRU MANAU PA A SHINGDU LABAU KADUN

1. Manau Wang:-1948 ning, January (10) ya shani, Jinghpaw Mungdaw ngu ai byin pru wa yang, Myitkyina mare gaw Jinghpaw Mungdaw a mare daju rai nga ai zawn, Shatapru Manau Pa mung, shawng nnan lang na Jinghpaw Mungdaw Nhtoi Padang Manau Poi galaw hpang sai hte maren, amyu sha ni nlang a "Manau Pa Daju" tai wa sai. Jinghpaw Mungdaw Nhtoi Padang Manau Poi a shawng shawn ngu na, Myitkyina Shatapru mare e galaw ai manau poi gaw, 1946 ning, January shata (15-20) ya lapran, nhtoi kru ya tup galaw ai Japan dang Manau rai nga ai. Dai shara gaw, ya na Manau Pa a lahta de, Shatapru Mali Ginra Lawk, Mali hka kau, Miwa mahkaw sun shara, tsingdu dan pa kaba e rai nna, 1979 hte

1997 ning na Mali hka tung kaba ai hta gyi lawm mat wa sal.

Ya mu lu ai Shatapru Manau Wang Kaba gaw, Jinghpaw Mungdaw Manau Pa hku nna shara tam wa ai shaloi, dai ten na Jinghpaw hpyen du ni rainga ai (1) Capt. Ubyit Tu, (2) Capt.

Nhtunghka Gam, (3) Capt. Dashi Gam, hte (4) Capt. Jap Tu ni jawm jahkrup nhtawm, lamu ga madu rai nga ai Karing Du ni kaw shat lit gun jaw na hpyi la tawn ai hta, Jinghpaw Mungdaw Asuya e masat shagrin da ya sai re lam chye lu ai. Dai ten hta ndai Manau Wang ginra gaw, hpun maling hte jamani sumwum ni hpring nna, bawm nhkun ni hkrai awawt awat naw rai nga al lam chve lu ai. 1948 ning hta Shatapru Manau Wang hpe nnan masat ai shaloi, Manau Wang a dam shangwang (Area) gaw, Eka 21.416 shing n rai, ruyin 932910 pe (square feet) re.

Shatapru Manau Wang gaw, 1948 ning kaw nna, laning hte laning arawng shingkang jat, jahkum shatsup mat wa dingngam, hpri ju shingri hte kum na grup, Manau Htingnu mung gaw

gap nna sup, Naura Pa mung zeng, Manau Shadung ni greng, rai wa nga yang, 1962 ning, March shata praw (2) ya shanihta, Mungdan a Daru Magam hpe Hpyendap ni zing madu la kau ai shani kaw nna, Jinghpaw Mungdaw Asuya mung dawm kau hkrum sai hte maren, madu n nga, gawn mazang ai gata, katsi katsang shara, nam maling mala, wang nhpan ni mung yawng hten za, kam ai wa mi mam hkai, hkrup ai wa mi hkauna shatai rai nna prat ladaw mi nga lai mat wa sai. Dai zawn shaning law law wa katsi katsang rai, sun hkauna tai nna manau n dum lu mat sai Shatapru Manau Pa hta 1985- 88 Kongsi ladaw laman e, Munghpawm Myen Mungdan a Shanglawt Masat Shadaw jung nhtawm, Asuya a wang ginra shatai kau na matsun aming du pru wa ra ai. Shaloi moi Inglik prat kaw na, majan nhpan law law hta share shagan mat wa ai, Japan hpe shagrawt nna, Myen mung shanglawt lu hkra shakut shaja al, Myen Asuya hpe mung, gumlau ni a lata na lang hte lang hkye mawai la tawn ai, lam shagu hta ta tut salu salat hkrat, n-gun atsam dat, shakut shaja mat wa sai Jinghpaw myu sha, share jaubu usa ni ja ja tsun ninghkap lajin shakut nna, shalawt shatawt la lu sai. Dai hpang kalang mi mung, 1989 ning hta Shatapru Manau Wang ting hpe Namkawn Dap ni hpun hkai kau na masing bai maw mawn wa mara ai. Shaloi mung lahta na hte maren, hkra lep usa, share jaubu kaba ni ja ja tsun ninghkap na sha bai shalawt la lu sai re. Shing re ai mabyin sat lawat ni gaw, prat ladaw mi kamyin taw mat sai Jinghpaw Wunpawng sha ni a kraw salum hpe kalang mi bai jasu alun dat ai hku mung ang mat nga sai. Dai zawn Shatapru Manau Wang hpe tat sum shamat hkrum na sat lawat ni wang shinggrup wa nga yang, Shatapru Manau Wang hpe Jinghpaw Wunpawng sha ni a Htunghking Manau Wang hku bai shagrin la lu hkra, lawu e mying rawng ai kanu kawa ni myit nchyan shaw, jasat hpaji jaw pru wa sai.

(1) Duwa Lawang Li(Jinghpaw Mungdaw Sutmasa kringmang Usa)

(2) Duwa Kumje Tawng (Thaing Min Gyi Usa)

(3)

Duwa Wabaw Zau Rip(Jinghpaw Mungdaw Ninghaw Usa)

(4) Du Kaba Labang La(Hyendu Usa)

(5) Du Kaba Ubyit Tu(Hyendu Usa)

(6) Du Kaba Jap Tu(Hyendu Usa) (7) Sutdu Singnan Tu Tawng.

(8) Sutdu Nsang Tu Awng.

(9) Sutdu Zuk Gyung.

(10) Sutdu Yup Zau Hkawng.

(11) Salang Tangmai Zau Tawng ni rainga ma al.

Shing rai, nhtoi 3-1-1991 ya shani hta, Shapru mare na Salang Tangmai Zau Tawng a nta e, myitsu salang ni bawng jahkrup nhtawm, "Manau Wang Uphkang Komiti" ngu ai shawng hpaw ninghtan dat sai. Ngut jang, Manau Wang hpe hkyen jasan gram lajang a matu Asuya kaw laika tang shawn sai. Ahkaw ahkang hkrat wa sai he maren, Njangkawng, Du Kahtawng hte Dapkawng ni hpe Manau Wang hkyen jasan na lit jaw nhtawm, Shatapru mare nihpe gaw, Naura Pa hkyen jasan na lit jaw sai. Dai kaw nna gaw, lani hte lani Amyu sha ni a tsawm htap ai Htunghking Manau Wang maga de yat yat galai sit shang wa na lam byin pru wa sai. Matut nna dai ten hta, Jinghpaw Wunpawng myu sha, myit rawt ai sutdu lauban kaba ni mung paw pru wa ra ai. Dai hte maren, 1995 ning hpang daw kaw nna, Manau Wang he wut bunghku kum na hkyen wa ai shaloi, Manau Wang grup grup na lam ningmaw kaba ni maden ra wa yang na hpe sawn shalawm let, kata maga loi mi htingnut la kau ai majaw, ya gaw dam shangwang Eka 19.6 shing n rai, ruyin 853776' sha rai mat sai. Sinpraw maga mung, Mali hka de gyi lawm nna loi li yawm mat ai lam nga sai. Shing rai Shatapru Manau Wang hpe kum tawn ai moi na hpri ju shingri, nhkan tsupni hpe gun kau nhtawm, pe masum jan tsaw ai wut bunghku a ntsa, pe masum kahtap shatsaw nna hpri nampan hte hkrep tawn da ai majaw, Manau Wang kata na tsawm hap ai lam mahkra hpe shinggan hku nna adan apra mu mada lu nga ai. Manau Wang bunghku a dingdung yan dingda hpe sinna maga, man masum hta Magwi Kawng Bunghku Chyinghka (Ivory Arch) langai hpra mung hpaw tawn da ai. Dingdung maga hte sinna maga na Wang Chyinghka shawng e, moi na Jinghpaw Share Jaubu ni a hkrang sumla hpe mung gaw shachyaw tawn da nga ai. Manau Wang a sinpraw dingda jut kaw nna, sinna hku gawai nhtawm, sinpraw dingdung jut du hkra pe 2725 tup galu ai wang bunghku rainga ai. Mali hka garet ai sinpraw maga de gaw, hpa n kum ai sha asan di da nga ai. Lahta na lam ni gaw, Shatapru Manau Wang a galai shai wa ai lam ni rai nga ai.

2. Manau Htingnu 1948 ning January praw (10) ya, Jinghpaw Mungdaw Nhtoi masat daidaw la lu ai shani kaw nna, Shatapru Manau Pa hta manau dum hpang wa sai rai tim, manau htingnu garai n lu ai majaw, gawat sum kaba (mandat) gap la nna hkrai galaw lai wa sai. Shing rai Jinghpaw Mungdaw Asuya gaw, Manau Htingnu nan hte gaw gap nna, 1959 ning, January shata (7) ya shani dingshawn shang sai. Dai Manau Htingnu dingshawn shang ai hpawng hta dai ten na Sutgan Dap hte Htunghking Magam Dap Hkringmang Duwa Lawang Li hkaw tsun ai mungga gaw, lawu na hte maren rainga ai.

Du wa Lawang Li hkaw tsun ai Shatapru Manau Htingnu dingshawn mungga; 7h. January, 1959.

Daini ndai hpawng hta du sa ai du salang kanu kawa, ningtung ningba yawng hte e, daini na ninghtoi gaw, Jinghpaw Mungdaw Nhtoi a masat dingsat Manau Htingnu ningnan hpe Mungdaw Manau Poi Nhtoi dep, ngut kre la lu nhtawm, ndai zawn dingshawn shang lu ai majaw, nachying kabu ninglaw lu saga ai re. Arawng mung grai lu saga ai re. Dai sha n ga, saw shaga da ai ningbaw ningla mitsu du salang ni, hpyendu kaji kaba ni, amyu shayi amyu shadang ni. mare buga kanu kawa ni hkum hkum tsup tsup du sa shajang ai majaw mung, yawng hpe chyeju dum ai lam shawng nan tsun shana mayu nngai. Nu wa du salang ni e, ndai Manau Htingnu byin tai wa lu ai lam hte yaw shada ai lam hpe mung kadun mi hkai dan mayu nngai re. Ndai shara ndai lamu ga, ndai Manau Wang gaw, 1948 ning, January shata (10) ya shani, Munghpawm Myen Mungdan a shawng nan lang na Gumsan Magam wa nan, Jinghpaw amyu sha Ningbaw Ningla ni a lata de, Jinghpaw Mungdaw asuya up ai masat masa hku nna, Munghpawm Men Mungdan a Gaw Da Ai Tara Laika Buk ap ya ai zuphpawng hpe galaw lai wa ai shara rai mali ai. Dai shani jang nan, shawng nan lang na Jinghpaw Mungdaw Asuya hpe mung hpaw ninghtan dat sai. Dai lam hpe madung tawn nhtawm, htawm hpang prat dingsa, January shata (10) ya du shagu, Jinghpaw Mungdaw Nhtoi Masat Manau Poi galaw na matu, ndai shara e nan, Eka 21.5 daram dam ai lamu ga hpe Asuya kaw nna san da ya sai re. Dai re majaw, Jinghpaw amyu sha ni a htunghking hta hkik hkam dik ai manau poi hpe, masum ning hpring nna mali ning nou na shaning shagu Jinghpaw Mungdaw Asuya lit la woi awn nhtawm, Munghpawm Mungdan a Gumsan Magam hte hpawn, mungdan ting na mung up du salang, mungchying shawa, maigan dat kasa, sumtsan manam ni du hkra, wu wu di di jawm galaw nga ga ai re. Shing re ai manau poi ni hta akyu jashawn lu na matu yaw shada let, ndai Manau hting nu hpe gaw gap da sai re. Jinghpaw amyu a thunghking lailen hpe kyem mazing ai hku nna, Jinghpaw nat jaw du ni a nta hte dang lu ai made bung pre hkra gaw gap ai lam hta, hkrat ang ai gumhpraw lap 46000 tup hpe, Mungdan Asuya kaw nna htum hkam ya sai re. Ndai Manau Htingnu hte hpawn, Manau Wang ting hpe, htawm hpang prat dingsa Jinghpaw Mungdaw Nhtoi Masat Manau Poi galaw a shara hte Jinghpaw amyu sha ni a htunghking ningli kyem mazing na shara tai nna, grin nga lu na matu, kade n na yang, seng ang ai Asuya kaw nna ra nga ai tara ni masat jahkrat nhtawm, kyem rem gawn hkang mat wa sana re. Jinghpaw Mungdaw Nhtoi a masat dingsat gaw, Jinghpaw Mungdaw kata hta shanu naa pra

shajang ai masha amyu n lata, nawku makam masham n ginhka, yawng hte seng nga ai hte maren, mungdaw mungdan mungchying shawa nlang a pyaw kabu lu na hte htunghking hpe kyem mazing na matu, ndai wang kata e nan, Amyu Sha Madun Gawk (National Museum) gaw gap da na yaw shada ai re. Shing rai Wang lamu ga he ladat jaw jaw lawk garan jahkrat nna yu chyai pyaw hkra, hka lawng ni, nampu nampan ni, tsawm ai hpun ni mung hkai shatut da na rai mali ai. Ndai Shatapru Manau Wang gaw, Jinghpaw Mungdaw a arawng tai ai, sari nga ai mungshawa yawng a hkring sa shara kaia bvin tai wa lu na hpe yaw shatawng shada da ga ai re majaw, myitsu du salang yawng mung, jasat jasa magup sumhpa ningmu hpaji jaw karum la na kam ai re. Shing rai hpawt ni hpawt din galaw na ri ri, tau hkyen shajin magang nga ai (11) ning hpring Jinghpaw Mungdaw Nhtoi Masat Manau Poi hta

•yawng kabu gara shang lawm shajang ga, ngu nna, nye a mungga hte ndai kaw hpungdim dat nngai rai.

JINGHPAW MUNGDAW NSEN

Lahta e tsun lai wa sai 1959 ning hta dingshawn shang la lu ai Manau Htingnu gaw, prat ladaw langai mi gawn lajangai n nga, nam shim shim re ai kata, kabai tawn da ai majaw, hten za mat wa sai. Dai re majaw Shatapru Manau Wang hpe bai shagreng hpang sai hte maren, Manau Htingnu nan mung bai gaw gap ra wa sai. Manau Htingnu ngu ai gaw, manau dum ai nta madu wa a dinghku dum nta rainga ai. Ya daini ten na Manau Htingnu gaw, Jinghpaw Wunpawng sha ni yawng, Jinghpaw Mungdaw ngu ai dinghku kata e, htung hking langai hta jawm ningdi nna, myit hkrum kahkyin gumdin makai hkak nga na Manau Htingnu rai nga ai. Dai sha n ga, Jinghpaw Mungdaw kata e shanu nga pra ai, Men, Sam, Miwa, Kala, shan hpraw shan chyang mahkra hte mung, hpunau sai daw sai chyen majing ni tai let, jawm ningdi na Manau Htingnu rai nga mali ai. Dai re majaw, hten za mat sai Manau htingnu dingsa hpe run kau nhtawm, htunghking hte n shai, hkik hkam laklai, prat madang hte mung bung pre ai hku Manau Htingnu ningnan bai gaw gap na,dai Manau Htingnu nan he nhtoi 10-2-2001 ya shani dingshawn shang la lu sai.

3. Naura Pa hpe Manau Shadung Shawng de na Naura Pa gaw, prat ladaw mi gawn mazang ai n nga sai hte maren, hten za mat sai hta n ga, grai kaji la ai re majaw, daini na ten prat, law htam mayat, prat madang rawt jat sai jasat hte mung n bung pre mat sai. Shing rai hkik hkam dam kaba ai Naura Pa nan hpe mung, Sutdu Yup Zau Hkawng a shawang kumhpa san

san hte gaw gap la lu sai. Ya na Naura Pa nnan a dumdan (Diameter = sag&:) gaw, pe 300 rai nhtawm, kawngwang grup

(Circumference = oros:) gaw, pe 943 re. Dam shingwang (Area) gaw, Eka 1.6 rai nga ai. Bai nna Manau Shadung mung

shawng de na gaw, hpun hte sha galaw ai re majaw, manau dum ngut shagu, manau shadung baw ai lamang hpe alak mi galaw ai hku hkan sa hkrat wa sai. Dai majaw, bai n baw ra hkra, shaning tsa hti nna grin ngang lu na Manau Shadung ra kadawn taw nga yang, Sutdu Yup Zau Hkawng a shawang kumhpa san san hte gaw gap la lu sai. Ya na Manau Shadung nnan gaw, tsaw de pe 67, lekma 2; pa de pe 3, lekma 9; htat de pe 2, lekma 2 rai nhtawm, Dungbye mahtang gaw, pe 60 tup galu nga ai. 1996 hta galaw hpang nhtawm, 1999 hta ngut kre la sai. Ndai Naura Pa nnan hte Manau Shadung nnan Ipe nhtoi 10-2-2001 ya jahpawt kyu hpyi shaman nhtawm, Jinghpaw Wunpawng myu sha ji ban a lata de ap ya sai.

Majoi Gawknu Nhtoi (26-12-2001) - (2-1-2002) lapran galaw ai Mali nmai Zup Myitkyina Majoi, Ninggawn Hkumra Manau Poi a matu tau hkyen shachyip ai lamang hta, manau ten laman e law htam dik ai Chyurum zaw nawng ni jawm hpawng de lu na matu hte, hpang e mung matut akyu jashawn lu na hpe yaw shada let, gaw gap la lu ai gawknu hpe "Majoi Gawknu" ngu amying shingteng jaw masat da sai. Dai Majoi Gawknu gaw, dam de pe 70' rai nhtawm galu de pe 270' rainga ai. Ndai Gawknu gaw hkik hkam kaba ai daram ka-ang e shadaw n jung ai majaw, ntsa de mung hpri ngauring, hpri dumdam, hpri machya ni hte hkrai zinghkri da nga ai. Dai sha n ga, Majoi Gawknu a dawhpum dawnu kaba hpe mung, "Jinghpaw Acadamy Co., Ltd. " myu tsaw shawang atsam hku nna, lungseng dawhpum jun nhtawm, lungseng nga baw shakap da nga ai hpe shingkang mi arawng rai mu lu nga ai
Nat Jaw Wang hte Nat Jaw Htingnu Daini ten na Jinghpaw Wunpawng, Hkristan zawnawng ni a na hta, "Manau" nga jang, nat hte seng ai hku sha chye na kau nga ga ai. Shatapru Manau Wang a sinna maga, mawdaw lam kaba din ai shara e, "Nat Jaw Wang hte Nat Jaw Htingnu" ngu ai alak mi san san naw nga ai. Dai shara gaw, moi 1946 ning hta, anhte a jiwa ni Japan hpe gasat dang kau ai Padang Manau dum yang, numshang nat jaw ai shara re lam chye lu ai. Dai shara hpe 1948 ning, January shata (10) ya, Jinghpaw Mungdaw Nhtoi Masat hpang ai shani, Jinghpaw Mungdaw Kongsi Rapdaw Salang ni jawm bawng jahkrup nhtawm, "Mungshawa Nat Jaw Wang" ngu masat tawn da sai. Dai hpang 1951-52 ning kaw nna, dai Nat Jaw Wang he hpri ju shingri hte kum nhtawm, Nat Jaw Htingnu hpe mung Asuya lit la nna gap ya sai.
Shaning shagu Nat Jaw Poi galaw na matu, law tim n law tim Asuya kaw nna ja gumhpraw madi shadaw lai wa sai. Wang jasan jaseng na hte Htingnu hpe sin mada na matu, magam gun masha langai, Asuya kaw nna shabri shabrai jaw nhtawm, san tawn da ya sai. Lahta e tsun sai hte maren, 1959 ning, Shatapru Manau Htingnu nnan dingshawn shang ai shani kaw nna, shaning shagu Manau Wang kata e galaw ai Nat Jaw Jau ai lamang hpe, Nat Jaw Wang de mahtang htawt sit kau sai majaw, dai shani kaw nna, Shatapru Manau Wang gaw, Jinghpaw Mungdaw Masat Nhtoi a matu, htunghking lam san san hku sha ka manawt ai Manau Pa rai mat sai. Ya daini rai tim, Shatapru Nat Jaw Wang gaw, Ji jaw Nat jaw ni a shara san san hku sha matut grin nga ai rai nna, Htunghking Manau Wang Kaba hte hpa mung n seng nga ai rai.

JINGHPAW MUNGDAW NSEN

SHATAPRU MANAU PA HTA GALAW MAT WA AI

SHAWA MANAU NI

Lahta na ga baw hte maren, Shatapru Manau Pa hta

galaw mat wa ai shawa manau ni a lam tsun ga nga yang, n bung ai prat masa law law hpe lai di mat wa sai lam mu lu na

ga ai. Dai lam ni hpe galaw lai mat wa sai manau a labau hte

shingrau nna lawu na hte maren, shaleng tawn dan lunga ai.

(1) 1948, January (10) ya:- Shawng nnan Jinghpaw

Mungdaw masat daidaw la lu ai Manau Poi rai nna, Shatapru

Manau Pa hta shawng galaw hpang ai manau poi mung rai

nga ai. Manau Poi hpe lani mi sha galaw ai n rai. Nhtoi mali ya

tup galaw ai rai tim, Poi Tung shani hpe sha madi madun al lam rai nga ai.

(*) 1951, January (10) ya:- Ndai shaning na Jinghpaw

Mungdaw Nhtoi Masat Manau Poi hpe gaw, Shatapru Manau

Pa e n galaw ai sha, Myitkyina mare ka-ang rai nga ai, ya na

Masat (6) Lapran Tsang Jawng Wang shara e mahtang galaw lai wa sai.

(2) 1955, January (10) ya. Ndai shaning na Jinghpaw Mungdaw Nhtoi Masat Manau Poi hpe Shatapru Manau Pa e wu

wu di di bai matut galaw sai. Shatapru Manu Pa e galaw ai lahkawng lang ngu na manau kaba rai nga ai

(3) 1959, January (10) ya:- Ndai shaning hta gaw, Shatapru Manau Wang e Manau Htingnu nnan hpe mung gap ngut

nna, dingshawn shang la lu sai hte, Jinghpaw Mungdaw Nhtoi Masat Manau Poi hpe nhtoi kru ya tup wu wu di di rai, hkik hkam

dik ai hku galaw lai wa sai. Shatapru Manau Pa e galaw ai masum lang ngu na manau kaba rai nga ai.

(4) 1962, January (10) ya:- Munghpawm Myen Mungdan shanglawt lu ai hte rau, Jinghpaw Mungdaw hpe mung masat

daidaw la lu nhtawm, Paliman Demokresi Asuya prat ladaw hta Jinghpaw Mungdaw Nhtoi Masat Manau Poi hpe Shatapru

Manau Pa e mali lang ngu na galaw lu ai manau rai nga ai Ndai Manau Poi ngut ai hpang kade n na ai sha, 1962 ning March

shata praw (2) ya shani Hpyen Gumlang Asuya lung wa ai kaw nna, Jinghpaw Mungdaw Asuya hpe mung dawm kau sai hte

maren, Jinghpaw Mungdaw Nhtoi Masat Manau Poi ngu ai mung n nga mat sai. Shatapru Manau Wang hte Manau Htingnu

mung madu n nga, gawn lajang ai gata, nam hkrai shim shim rai hten bak mat wa sai

(5) 1974 M.S.L.Prat:- Myanma Soshelit Lammasa Party ni ka lajang ai Gaw Da Ai Tara (Constitution) hpe mungshawa

ni e hkap madi shadaw la ai, ngu ai lachyum shapraw ai hku nna, nam shim shim rai nga ai Shatapru Manau Pa hta lana de

mi chyahkring sha gan kajau dum ai manau re. Manau Poi hku mi n rai tim, Shatapru Manau Pa e shi mali ning tup katsi

katsang rai mat sai ten, n dum shami manau chying bau mahku ngoi pru wa ai lam rai nga a.

(6) 1980, M.S.L Prat:- Ndai lang mung, M.S.LAsuya hte K.I.O Rawt Malan hpung ni a lapran, mungdan dinghku majan

simsa lam bawng ginrat nga ai hpe mungshawa madi shadaw lawm ai hku lachyum shapraw na Shatapru Manau Pa e, nau

tai gan gawat dum ai lam sha re. Lahta na hte maren, manau poi n rai tim, Shatapru Manau Pa hpe manau chying nsen hte

jasu jahprang shadum dat lu ai lam langai rai nga sai.

(7) 1993 ning, January 26-29 ya:- Lahta e tsun shaleng mat wa sai hte maren, shaning 30 ning jan katsi katsang rai

mat sai Shatapru Manau Pa hpe prat nnan, ladat nnan, masing nnan bai shapraw htawm, Jinghpaw Mungdaw Nhtoi Masat

Manau Poi hku garai n rai tim, Jinghpaw Wunpawng sha ni nlang myit hkrum kahkyin gumdin ai hku nna, "Htunghking Sut

Manau" ngu ai hpe dum la lu sai re. Ndai Manau Poi byin tai wa lu hkra, ningbaw ningla hkra lep usa ni hpaji jaw ladat shaw ai

hta, Shatapru mare Uphkang Komiti hku woi shamu shamawt hpang wa sai. Dai ten na Shatapru mare Uphkang Komiti

Ningbaw gaw, Lahtaw Duwa Lamung Gam rai nga ai. Sat lawat htuk wa ai hte rau, "Shatapru Manau Wang Uphkang Komiti,"

.ngu nna matut hpaw ninghtan wa sai. Shing rai January 26-27 ya hta gaw, shaman shakyang ai hku nau nna, 28-29 ya hta gaw,

Htunghking Sut Manau hku matut dum sai re. Ndai manau poi hta Jinghpaw Wunpawng sha ni a htunghking nga mali ai hte

maren, magun shat lit hte hkungga lara ai lamang mung galaw sai. Shawng na Jinghpaw Wunpawng sha ni nhtung dun kanu

kawa tai, hkra lep usa rai, daini du hkra asak naw hkrung nga ai ni hpe pang mi di nna Du Kaba Jap Tu a nta e gun sak jaw sai.

Dai hta lawm ai kanu kawa ni gaw, Du Kaba Jap Tu, Du Kaba Ubyit Tu, Du Kaba Maran Gum Ja Naw, Du Kaba Labang La,

Duwa Wabaw Zau Rip, Duwa Kumje Tawng hte Duwa Lawang Li ni rai nga ma ai.

Bai nna Dingdung Daw Hpyendap Daju a

Du Daju hte seng ang ai Du ni a matu pang mi; Myitkyina mare Asuya Uphkang Dap hte magam gun kaji kaba ni a matu pang

mi di nna mung, magun shat lit sak jaw hkungga ai lam galaw lu sai. Ndai Htunghking Sut Manau dum ai ten gaw, anhte a

mungdaw mungdan simsa lam garai n lu ai re majaw, grai naw hkrit tsang sadi ra ai ten rai nga ai.

(8) 1994, January 20-22 :- Ndai lang gaw, shawng shaning na "Htunghking Sut Manau nau gup" ngu ai ga baw hte

galaw ai Manau rai nga ai. Shatapru Manau Pa hpe mung yat yat shagreng mat wa na masing yaw lajang nga sai. Mung up

Asuya ni kaw na ahkaw ahkang lu na ahkyak nga ai zawn, jai lang na ja gumhpraw mung ahkyak nga ai majaw, Sut Tam

Komiti ngu ai alak mi hpaw shagreng ai hta, myit rawt ai Jinghpaw Wunpawng lauban zawnawng ni aja awa n-gun dat lawm

sai. Mungdaw mungdan simsa lam bawngban ai mung awngdang mahka rai wa sai majaw, ndai lang na manau poi hta gaw,

Jinghpaw Mungdaw Simsa Lam Gaw Gap Hpung Amu Madu Hpyendu Kaba wa hte kaga Asuya Magam Dap du salang ni

ram ram wa sa du lawm shajang masai. Dai sha n ga, buga shara shagu na mungchying shawa buga kanu kawa ni mung law

law du sa shang lawm lu sai. Pangwa buga de na kanu kawa du salang ni hkrai pyi mawdaw 15 tup hte du sa nhtawm, magun

shat lit hte yep, prat dep madum sumpyi hte brep, shi hkam bau la mung gun, Karum gumhpraw sen manga mung shun, rai n-

gun sa jaw lawm lai wa masai.

(9) 1995 ning, January 16-19:- Ndai lang na manau hpe "Sut Ring Manau" ngu masat shamying sai. Manau Wang

Uphkang Komiti ningbaw hte Sut Ring Manau Shabyin Shatai Komiti Ningbaw hku na Duwa Dashi La Roi hpe lit jaw

Shatsam da sai. Laning hte laning rawt jat ninggam tsaw lung wa sai. Myu sha ni a htunghking hte myit hkrum kahkyin gumdin

lam arawng shingkang kaba wa ai kumla rai nga ai. Ndai Sut Ring Manau hta mung up ai ningbaw ningla, mungshawa

ningtung ningba, hkra lep salang magam gun usa, ram ram hkum tsup ai hku sa du kabu n-gun jaw lawm ya sai. Yungwi pira,

ginsup hpan sumhpa, shawoi na hta grau hkik hkam hkra galaw lu sai.

2014, 2015 hkan na Kachin American Association camp review

Posted by Admin Tuesday, June 6, 2023 0 comments

Lai wa sai 2014, 2015 hkan na Kachin American Association camp kaw gaw ya na zawn 'Our Voices' ngu ai laika buk kasha ni dip shapraw lai wa sai.

Publishing galaw ai lam hpe, Dr. Jap Ja Ngai Awng hte Jap Bura Lu ni woi awn lai wa sai.

Ngai hku na gaw, 2015 na laika buk kaw, 'Story from the Night' ngu ai English Poem hpe ka lai wa sai. Hpung sara num 2 hpe roi rip na sat kau ai 'night' hpe shingran let ka da ai Poem re.

Bai du wa na KAA camp kaw ramma ni yawng grau kaja ai hku na shanglawm wa na matu jawm shaku ga.

KAA kaw galoi mung shanglawm ya ai Dr. Jap Ja Ngai Awng hte Jap Bura Lu ni hpe mung grai chyeju kaba sai.

Matut na lam woi ya mu law...

by Htung la

KAA Camp feedback နှင့် suggestion

Posted by Admin 0 comments

1.အစားအသောက် ကောင်း၏

2. အိပ်ဆောင် အင်မတန် ကောင်း၏

3. လူငယ် တော်တော်များများ လာ၏

4. အဆောင်ကြေး သင့်တင့်၏

5. Host လုပ်သော Myanmar Christian Assembly မှ အကောင်းဆုံး ကူညီပေးသွား၏. Thank you so much for that.

6. Presenter တွေ မသေခြာသောကြောင့် program စာရွက် ကြိုတင် ရိုက်နှိပ်ဖို့ အခက်အခဲ ရှိခဲ့ကြောင်း သိရ၏

7. Presenter တွေ လာသော်လည်း ပရိတ်သပ် ဖြစ်သော လူငယ် နှင့် လူကြီးများ ပျောက်နေသောကြောင့် အချိန်ပေး၍ ပြင်ဆင်လာခဲ့သော presenter တွေ အလဟသာ ဖြစ်သွားခဲ့၏။ စိတ် ကတိကအောင့် ဖြစ်၏။ နောက်ထပ်ခေါ်ရင် လာ/မလာ မသေချာ။

Suggestion

1. Camp ရောက်ဖို့ 6 လ လောက် ကြိုတင် ကြေညာ သင့်၏. Masha n kau gaw KAA camp nga na n chye shi ai majaw, summer vacation plan hpe tau hkrau galaw kau ai ni nga ai.

2. Miss Kachin USA နှင့် soccer, golf တွေ ပါမည့်အကြောင်း ကြိုတင် ကြေညာသင့်၏. I mean early announcement.

3. အသင်းတော် ပေါင်းစုံ ပါသောကြောင့် ပွဲတော် ပေးခြင်းကို မထည့်သင့်။ (ဒီနှစ်လည်း ပွဲတော် မပါပါ။ ပွဲတော်ကတော့ ကိုယ့် အသင်းတော်မှာ ကိုယ်ပါပေါ့။)

4. KAA camp သည် 2 years မှ တစ်ခါ လုပ်သောကြောင့် ခေါင်းစဉ် မျိုးစုံပါနိုင်သော တွေ့ဆုံခြင်း ဖြစ်၏

5. Camp အမြဲတန်း လုပ်မည် ဖြစ်သောကြောင့် ဒီ နိုင်ငံ ဒီ ဒေသ နှင့် လျော်ညီသော US version Manau Song ကို ရေးသားဖွဲ့သီ သင့်၏။ အရာရာကို ခြုံငုံထည့်သွင်း စဉ်းစားရသော Manau Song ဖြစ်သောကြောင့် အချိန်ယူ လုပ်ဆောင်ရမည့် Manau Song ဖြစ်၏။ Manau Song 3,4 ခု လောက် ရေးသားသီဆိုကြည့်ပြီးမှ အကောင်းဆုံးကို ရွေးသင့်၏။ Made in USA ဖြစ်သောကြောင့် အကောင်းဆုံး စာသား နှင့် Music ဖြစ်သင့်၏။ Manau က ရာတွင်သုံးမည် ဖြစ်သောကြောင့် up to 45 minutes လောက် ကြာသင့်၏။ စာသားပဲ 45 minutes မဟုတ်။ ကြားမှာ manau တီးလုံးတွေ ထည့်မည်။ ကချင်ပြည်မှ Manau သီချင်းရေး/လုပ် ဖူးသောသူများကို ဒီနိုင်ငံအကြောင်း နောက်ခံ ပြောပြပြီး ရေးခိုင်းရင် ပိုပြီး မြန်ဆန်မည်။ Manau က ရာတွင် တစ်နာရီလောက် ကြာလာပါက မနောင် ဦးဆောင်က သူတွေ အင်မတန် ပင်ပန်းမည်ကို သိထားရမည်။ ထို့ကြောင့် 30 to 45 minutes ကြာသော သီချင်း ဖြစ်သင့်။ ကြာကြာ က နိုင်ရင် သီချင်းကို repeat လုပ်ယုံ။

6. Outdoor Manau လုပ်ဖို့ မနောတိုင် လုပ်ဖို့ မည်သူမျှ မအားပါ။ ဒါကြောင့် မနောတိုင် မပါသော, ရာသီဥတု ပူ အေး ကို ကြောက်စရာ မလိုသော Indoor Manau/Indoor Community Manau Dance ကို က သင့်၏

7. Manau ကခြင်းသည် Unique ဖြစ်သောကြောင့် local news reporters တွေကို မနောက အချိန် အတွင်း ဖိတ်သင့်၏။ တတ်နိုင်လျင် မြို့ပြ အုပ်ချုပ်သူတွေကိုရော?

8. Manau Dance သည် 30 to 45 minutes ကြာပါက Saturday and Sunday နှစ်ရက်စလုံး က နိုင်၏

9. အရွယ် စရောက်လာသော လူငယ် teenagers တွေ အချင်းချင်း သိကျွမ်း ချစ်ခင် (နောက်ပိုင်း လက်ထပ်) လာစေဖို့ သူတို့ကြား မိတ်ဆက်ပေးခြင်းကို လုပ်ပေးသင့်၏။ အရွယ်ရောက်ပြီး အိမ်ထောင် မကျသေးသော အရွယ် ရောက်ပြီးသူတွေလည်း ဤ camp မှာ meet up လာလုပ်သင့်၏။

10. Mayu Dama Shachyen Shaga ပိုင်းကိုတော့ အချိန် မလောက်သောကြောင့် ကိုယ့် local ဒေသ မှာ ကိုယ့် အဖွဲ့တွေ လူပ်ဆောင့်သင့်၏

11. Friday အဖွင့်နေ့မှာ အမေရိကန် နိုင်ငံ သီချင်း နှင့် ကချင် အမျိုးသား သီချင်းတွေကို သီဆို သင့်၏။ အမေရိကန် စစ်တပ်ထဲဝင်သော ကချင် ဝန်ပေါင်တစ်ယောက်ယောက်က ဦးဆောင်ရင်လည်း အိုကေ မည်

12. လူတိုင်းနီးပါး ကိုယ့်ဒေသ မှာ အပတ်တိုင်း ဝတ်ပြုသောကြောင့် ဘုရား ဝတ်ပြု အစီအစဉ် ကို နည်းနည်း လျှော့ သင့်၏။

Friday အဖွင့် ဆုတောင်း, Sunday sermon, Monday အပိတ် ဆုတောင်းရင် လုံလောက်ပြီ။

Denominations များလို့ ဆရာ ဆရာမ အကုန်လုံးကို အားနာလို့ အကုန် ဆုတောင်းခိုင်းတာကို ရှောင်သင့်၏။ အချိန် ပုပ်၏။ အဓိက က Catholic နှင့် Protestants နှစ်ခု က ဆရာ ဆရာမ တစ်ယောက်စီ ပါရင် တော်ပြီ။ ဘယ်လို ဆိုတာကို အသေးစိပ် သိချင်ရင် ကျနော့်ကို မေးပါ။

13. ည အိပ်ရာဝင် နောက်ကျတဲ့ လူငယ်တွေ များတယ်။ မနက် စောစော လူငယ်တွေ မထချင်။

ဒါကြောင့် လူငယ်တွေ အတွက် မနက် 11 to 12 မှာ တစ်ချိန် ညနေ 2 to 3 မှာ တစ်ချိန်။ Saturday and Sunday နှစ်ရက် ဆိုတော့ လေးချိန် ရမည်။ သွန်သင် သင့်တာတွေ အချင်းချင်း introduce and mingle လုပ်ဖို့ ဖြစ်၏။

Camp လာပြီး အချင်းချင်း သိကြွမ်း ရည်းစားဖြစ် အိမ်ထောင် ကျသွားရင် အမျိုးသားရေး အတွက် အမြတ် ဖြစ်၏။ မနော ကရင်တော့ အချိန်ယူရတာကြောင့် program ပြောင်းသင့်။

14. Kachin American Youth Association တောင် ရှိလာနိုင်။ At least Facebook group ပေါ့။

15. KAA မှ အသင်းဝင်ကြေး ကောက်သင့်၏။

အနည်းဆုံး တစ်အိမ်ထောင် တစ်နှစ်မှာ $100 ထည့်။ အစ ပိုင်း လူတွေ သိပ် ထည့်မည် မဟုတ်။ ဒါပေမယ့် KAA က အလုပ် ကောင်းကောင်းလုပ်ပြရင် လူတွေ ထည့်လာမယ်။

ကချင် ဝန်ပေါင် အကုန် ထည့်သင့်။

တစ်နှစ် $10,000 to 50,000 ကြား ငွေဝင်နိုင်။

တစ်နှစ် $1500 နှင့် အထက် ထည့်သူတွေကို Gold

$1000 နှင့် အထက် ကို Silver

$500 နှင့် အထက် ကို bronze

$500 အောက်ကို အမည် တစ်မျိုး။ ဥပမာ Good Wunpawng Citizen စသည်ဖြင့် ဂုဏ်ပြုသင့်။ Certificate of appreciation.

သို့မဟုတ် A, B, C, D level ဂုဏ်ပြု လက်မှတ်။

16. ရရှိလာသော ငွေ အချို့ကို KAA လည်ပတ်ဖို့ သုံး။

Immigration နှင့်ဆိုင်ရင် ကူညီဖို့ ကချင် ရှေ့နေတွေကို ဥပမာ တစ်နှစ် $1000 လောက် gift ပေးထားပြီး တစ်နှစ် up to 30 hours လောက်ကို လဝက ကိစ္စတွေ အတွက် အချိန်ပေး ကူညီဖို့ request လုပ်။

Membership fees မထည့်ထားသော သူတွေရဲ့ မိသားစု လဝက အရေးတွေကိုတော့....

မြန်မာပြည်က ကချင် ဝန်ပေါင်တွေ နေသော ဒေသ တွေကို Zone 123....10 ခွဲပါ။ ဘတ်ဂျက် ပေါ် မူတည်ပြီး ပညာရေး ကျန်းမာရေး စီးပွါးရေး တွေမှာ ‘အလှည့်ကျ' ကူညီရန်။

အစိုးရ မလုပ်ပေးသော လက်လှမ်း မမီသော ဒေသ မှာ ကုတင် 5 ခုဆန့် ဆေးရုံ/ ဆေးပေးခန်း ဆောက်တည်ပေးပြီး တစ်နှစ်စာ သူနာပြု နှင့် medical supplies တွေ ပေးထားတာမျိုး။

သို့မဟုတ် ကချင် စာ နှင့် English စာ အခြခံ တစ်နှစ်စာ သင်ပေးတာမျိုး။ သို့မဟုတ် ခေါင်တဲ့ နေရာတွေမှာ မီးစက်ပေးတာမျိုး။ စျေးဆိုင်ခန်း ဆောက်ပေးတာမျိုး။ အသေးစား စီးပွါးရေး လုပ်ဖို့ မတည်ငွေ ကူညီတာမျိုး။ Rawt Jat wa ai baw kaw she garum la na hku. 'Sha shama' kau ai hpan kaw gaw n mai garum ai. We must not waste our money. Money must grow.

Lisu နှင့် ရဝမ် ဒေသ ဘက် Fiscal Budget Year 1 မှာ စ ကူညီပြီး ဒနိုင်း ဘက် Year 2 မှာ စရင် ကောင်းမယ်။ ရှမ်းပြည် Mandalay Yangon etc.

$10,000 ဆိုရင် ဆေးရုံ ဆေးပေးခန်း ပူးတွဲ တစ်ခု ဆောက်လို့ရပြီ။

ဆေးသိုလှောင်ခန်းတွေကို အုတ်နှင့် လုပ်ပြီး ကျန်တဲ့ ကုတင် အခန်းတွေကို ငွေ မကုန်အောင် ဝါး သစ် တွေ နှင့် လုပ်နိုင်။

$30,000 လောက်ဆိုရင် ဒေသ နှစ်ခု မှာ တစ်ခါတည်း ကူညီနိုင်။

ဒီ ပရောဂျက် တကယ်လုပ်ရင် ဒီက ခရစ်ယာန် အဖွဲ့တွေလည်း ကူညီလာနိုင်။

Families should save money to come to the KAA camp.

We should not rely on KAA to pay for our expenses.

Good citizenship.

လူတိုင်း ဖတ်နိုင်အောင် ဖုန်း နှင့် အချိန်ပေး စာ ရိုက် သောကြောင့် အချိန် အင်မတန် ကုန်ပြီး မျက်စိ တောင် မွဲလာပြီ။

(စာဖတ်သူတွေ အကျိုးရှိဖို့ ကျနော့် အဖိုးတန် အချိန်တွေကို ဖဲ့သုံးပါသည်)

by htung la

KBC-USA - Announcement

Posted by Admin Monday, December 9, 2013 1 comments

KBC-USA Announcement by Dr. Jum Maw San Awng

Tsaw ra hkungga ai magam gun ni,

Karai Kasang a chyeju hte America mungdan de Jinghpaw Wunpawng Hkalup Hpung masha ni du shang nga sai hta, Hkristu a hkum hkrang rai nga ai nawku hpung ni hpe gaw de sa wa ai lam ni mung nga shajang nga sai. Ndai zawn rai buga hpung ni hpe gaw de let nawku daw jau nga ai hta Jinghpaw Wunpawng Hkalup Hpung ni hku nna hpawng de ai ni nga ai zawn nkau mi gaw Kachin Christian Fellowship hku nna nga ai mung nga nga sai, Jinghpaw Wunpawng Hkalup Hpung ni hku nna gaw de da ai hpung ni hta mung Jinhpaw Wunpawng Hkalup Hpung Ginjaw hte American Baptist Churches (ABC ni hte ading tawk matut ai Hpung ni nga ai zawn nkau mi ginra masa hpung masha ni a masa hta hkan nna Jinhpaw Wunawng Hkalup Hpung hte ading tawk matut mahkai ai lam hta n manu ai majaw, shing n rai n jin ai, shing n rai independent hku nna nga mayu ai majaw Jinhpaw Wunpawng Hkalup Hpung hpe gaw de nna kara hte mung n matut ai ngu ai hku nna nga ai mung nga nga saga ai.

Dai hta nkau buga hpung ni gaw US kaw she du nga sai re majaw KBC ginjaw hte matut n ra sai nga nna hpung de ai mung nga nga saga ai.. US nga ai Baptist Church Body ni hte matut mahkai ai lam masa hta mung kara Baptist church body hte matut tim n ra ai ngu ai hta tinang buga hpung hte manu ai hta hkan nna matut mahkai ai lam ni mung nga nga saga ai. Kara masa lam hku mi raitim Hkalup Hpung ni hta nga ai awm dawm ahkaw ahkang hta buga hpung ni hpe gaw de ai re majaw yawng gaw shi hte shi rai nga saga ai.

Ndai zawn rai nna Buga hpung ni hpe gaw de nga ai hta:

(1) Texas Jinghpaw Wunpawng Hkalup Hpung (TXKBC, Fort Worth, TX, Indiana Jinghpaw Wunpawng Hkalup Hpung

( 2 )(IKBC, Indianapolis, IN),

(3) Michigan Jinghpaw Wunpawng Hkalup Hpung (MKBC, Grand Rapids, Mi) hte

(4) Hanson Jinghpaw Wunpawng Hkalup Hpung (HansonKBC, Houston, TX)

buga hpung ni hku na gaw hpung hpe hpaw ninghtan sa wa ai kaw nna Buga de nga ai KBC Ginjaw hte matut mahkai na matu daw dan let, dai hta sha n ga anhte hpe Hkalup Hkring htawng hte Madu a Mungga hpe sa du htawn tsun, pawn ba la ai American Baptist Churches (ABC, USA hte matut mahkai let shanhte a nawku hpung ni hku nna USA e hpung hpe gaw de na matut daw dan da saga ai. Ndai zawn rai nna Buga hpung mali ni hku nna Jiwoi Jiwa ni hpe jaw da ai Hkalup Makam Hkringhtawng lam hta rawt jat let Madu a ninghtoi tai lu na matu kahkyin gudin ai lam hpe mung galaw na ra ahkyak ai majaw,

laiwa sai October 26, 2013 ya hta KBC GInjaw kaw nna Ninagtau Ningbaw hte AMu Madu Kaba yan du ai aten hta Hkringhtawng lam, Nawku masa lam, nawku hpung up hkang masa lam hte sasana myit shingran bung ai Jinghpaw Wunpawng Hkalup Hpung mali hku nna Jinghpaw Wunpawng Hkalup Hpung Ni, USA (Kachin Baptist Churches, USA) hpe hpaw ninghtan dat saga ai lam shana dat saga ai.

Sara Kaba ni hku nna myiit shingran ai KBC USA ngu nna hpaw na lam hta Hkam la ai Karai Masa lam, Nawku daw jau ai lai masa, Nawku hpung a hkrang masa, Ginjaw ni hte matut mahkai ai lam ni hta shada shabung la ra na lam ni law law naw nga na re hpe mung mung mada nngai dai re ai. Dai re ai majaw lahta na buga hpung ni hku nna KBC Ginjaw hte ABC ginjaw hte matut mahkai let sasana bungli ni hta myit lawm hkum lawm shang lawm, shanhte a matsun maroi hpe hkam la nna, Jinghpaw Wunpawng Hkalup ni, USA (Kachin Baptist Churches, USA ngu nna hpaw ninghtan sa wa ai lam re hpe shana dat ga ai law.

Hkristu a magam hta,

Dr. Jum Maw San Awng

Coordinator

Announcements