2013 ning (17) Lang na U.S.A Kachin Christian Family Camp Saw Shaga ai Lam
Tuesday, December 4, 2012
0
comments
December
2nd, 2012 ( bat 6 ya )
Trinity
Hotel, Fort Worth, Texas, USA.
Tsin-yam
Alu Tam Lamang
Dallas/Fort
Worth, Texas, USA hta shanu shingbyi nga ai myu tsaw mung tsaw myit
su ni myit hkrum let hpaw ninghtan ai DFW Emergency Team kawn woi awn
let Tsin-yam Alu Tam Lamang
hpe htunghking ka manawt ai lam, yu ngwi mahkawn ni hte shangwi
shapyaw ai lam ni kabu gara wu wu di di awng dang ai hku galaw la lu
sai na chye lu ga ai. Matut nna htunghking malu masha shat-jam,
Shanglawt hpagup ni dut shabra let Tsin-yam alu tam ai lamang hpe
galaw la lu sai lam mung kahtap chye lu ga ai. Ndai lamang hta
Dallas/Fort Worth, Texas kaw shanu nga ai Jinghpaw Wunpawng myu
lakung bawsang ni yawng shang lawm ai sha n-ga Hkang, Kayin ni hte
rau Americans ni mung sa du ai hte marai 300 jan shanglawm lai wa sai
lam mung chye lu ga ai. Ndai alu tam lamang kawn lu la ai ja gumhpraw
ni hpe seng ang ai hpyen yen tsin-yam woi awn Committee de shalai ya
mat wa na re ai lam mung poi lit hkam ni kawn chye lu ga ai.
