KTO-USA

USA DU MYU SHA NI N GUN MADUN NINGHKAP LAMANG SAW SHAGA

Posted by Admin Monday, September 24, 2012 0 comments

September (24) Laban

Amerika na Wunpawng Myusha ni hku nna anhte a Kanu Buga hta byin nga ai majan the ndai majan a majaw ru yak tsin yam hkrum nga ai anhte a sai daw sai chyen ni a matu n-pu na n-gun madun lamang hpe Kachin Alliance hku nna woi-awn let galaw sawa na ga ai.

Nhtoi: Laban Hpang Mali Ya, September 27th, 2012

Shara: United Nations

Hkringdat: First Avenue and East 47th Street, New York, NY 10017, USA

Aten: 12:00pm – 1:30pm

Shara: The Permanent Mission of The Union of Myanmar to the United Nations

Hkringdat: 10 East 77th Street, New York, NY 10075, USA

Aten: 02:00pm – 03:30pm

Lamang a yaw shada ai lam gaw anhte a buga de na majan hte ru yak tsin dam lam ni hpe ma shagrau chye wa nna garum shingtaw ai lam jaw na matu the Myen Gumsan Magam Thein Sein hku nna Amerika kaw du nga yang anhte Wunpawng Myusha ni ra sharawng ai lam ni hpe hpyi shawn na matu re.

Yawng hpe shanglawm na matu saw shaga datga ai.

Hkungga let,

Kachin Alliance, USA

contact@kachinalliance.org

kachinalliance.org

JINGHPAW TAI MASU NNA AUNG SAN SUU KYI HPE HKAP TAU

Posted by Admin 0 comments

September (24) bat langai

Ya ten Jinghpaw Wunpawng Mungdan kata Myen hpyen hte asuya ni gaw adip arip roi sha taw nga ai ten, re majaw Amerikan mungdan kata du taw nga ai Kachin ni hku nna boycott galaw da ai lam re. Ning re ten e Myen amyu sha ni gaw nlu lu hkra Kabya nkau myi hpe gum hpraw jaw nna hkalem Jinghpaw Hking jahpun nna sa hkap tau la shangun ai lam lamang galaw nna Media hta amyat htuk la ai lam Newyork mare kata kaw byin lai wa sai.

Ndai kaw sahkap tawn la sumla gayat hkam ai wa gaw Hkun Aung ngu ai Myen Sam Kabya kasha wa re lam chye lu ai. Ning re mying dut sha, myu shayuk ai baw htawm hpang de nbyin na matu jaja sadi jaw dat mayu ga ai. Ndai zawn Kachin mying dut sha nna amyat htuk ai ni hpe lam amyu myu hku nna ni nawn ai myu sha ni ahkyak la lu hkra hkyen lajang da saga law.

"Wa a hkang gwi shamat," nbyin u ga.

An hte Jinghpaw Wunpawng myu sha ni roi mung hkrum, mying dut sha mung hkrum, Mungdan dut sha mung hkrum, tsin yam tsin dan mung hkrum nbyin u ga yawng jaja sadi maja sa wa nga ga.

ေဒၚေအာင္ဆန္းစုၾကည့္ အေမရိကန္ႏုိင္ငံသုိ႔ လာေရာက္လည္ပါတ္ျခင္းကုိ အေမရိကန္ေရာက္ ကခ်င္အမ်ိဳး သားမ်ားက သြားေရာက္ေတြ႔ဆံုျခင္းမျပဳရန္ ၀ုိင္း၀န္းသေဘာထားထုတ္ျပန္ထားေၾကာင္းကုိ ၾကားသိရပါသည္။ ယခုကဲ့သုိ႔ အေမရိကန္သုိ႔ ေဒၚေအာင္ဆန္းစုၾကည့္ လာေရာက္စဥ္ အေမရိကားႏုိင္ငံေရာက္ ကခ်င္းအမ်ိဳးသားမ်ားလာေရာက္ျခင္းမရွိသည္ကုိ အခြင့္ေကာင္းယူကာ ဗမာလူမ်ိဳး မ်ားက လိမ္ညာလွည့္ျဖားျပီး ကခ်င္၀တ္စံု ၀တ္ဆင္က ၾကိဳဆုိခဲ့ၾကေၾကာင္း သတင္းရရွိပါသည္။ ေဒၚေအာင္ဆန္းစုၾကည္ နယူးေယာက္ျမိဳ႕သုိ႔ေရာက္ရွိလာစဥ္ နယူးေယာက္ရွိ ဗမာလူမ်ိဳးမ်ားက ခြန္းေအာင္ ေခၚရွမ္းဗမာလူမ်ိဳးကုိ အခေၾကးေငြေပးကာ ကခ်င္၀တ္စံု၀တ္ဆင္ေစျပီး ၾကိဳဆုိခဲ့ျခင္းျဖစ္ေၾကာင္း၊ ယခုကဲ့သုိ႔ ဗမာလူမ်ိဳးမ်ား၏ လုပ္ရပ္သည္ ရွက္ဖြယ္ရာျဖစ္ေၾကာင္းႏွင့္ ဒီမုိကေရးစီေခါင္းေဆာင္ ေဒၚေအာင္ဆန္းစုၾကည့္ ကုိ အေမရိကန္ႏုိင္ငံေရာက္ ဗမာလူမ်ိဳးမ်ားကုိ လိမ္ညာလွည့္ျဖားခဲ့ျခင္း ျဖစ္ေၾကာင္းလည္း ျဖစ္ပါသည္။

American Mungdan shanu nga ai Jing hpaw wunpawng myu sha yawng myit hkrum let Kachin Alliance Committee hpaw sai

Posted by Admin Thursday, May 31, 2012 0 comments

US Mungdan kata shaning shagu Mungdaw shagu
hta gayin galaw nga ai Jinghpaw Hkristan Dinghku
Dabang hpe 2012 ning a matu Omaha Mare
makau Linwood ngu ai ginra Nebraska Mungdaw e
May 25-28 ya laman awngdang ai hte galaw la
lu sai lam seng ang ai poi shabyin shatai ningbaw
ni kaw na chye lu ai.

Shaning shagu Kachin American Association kaw na
woi awn galaw sa wa ai raiyang, daining na
dinghku dabang hta laklai ai lam hku nna
KAA mu gun nnan ni hpe bai lata shatsam tawn lu sai hte sharin hpawng laman Kanu Mungdan de
byin hkrum nga ai Majan Tsinyam ni a lam, garum kahtau lam hte amyu sha lam ni hpe, shang lawm ai
yawng gaw myit rawt myit katu let bawngban wa sai lam hpe mung na chye lu ai, grau nna
US mungdan hta Jinghpaw Wunpawng Amyu Sha ni a shawnglam mung masa a matu amyu sha lam
galaw sa wa na ninghkring marai(5) lawm ai Executive Committee hpe ninghtan hpaw shabawn dat lu sai
lam na chye lu ai, ndai committee a mying hpe "Kachin Alliance" ngu shamying sai hte shanglawm ai
shawa masha ni yawng kaw na myit hkrum masat dat sai re hpe matut chye lu ai.

Overseas Kachin Association

May 28, 2012

http://kaausa.org/2012_camp_program.html

http://overseaskachinassociation21.blogspot.com/2012/05/16th-kachin-christian-family-camp-omaha.html

16th Kachin family camp USA 2012

Posted by Admin Saturday, May 26, 2012 0 comments

JINGHPAW LAIKA NINGHTOI

Posted by Admin Monday, May 14, 2012 0 comments

Laiwa sai laban May shata 13 ya shana maga daw 3-7 pm lapran hta, Bristol, PA USA kaw, ' JINGHPAW LAIKA NINGHTOI' masat lamang hpe du sa masha 60 jan hte ngwi pyaw awng dang ai hku galaw la lu sai lam chye lu ai.Lamang a shawng daw de Laili laika hte seng ai myusha mahkawn ni jawm mahkawn, dai hpang lamang mahkyen hte maren lamang hpe galaw sa mat wa ai. Lamang hta hpawng hpaw akyu hpyi ai, Mungdan mahkawn shakawn ai, Laika labau hti ai, KANU masat laban n-htoi re hte maren, Myu a Kanu ni hpe shagrau ai lamang, Laksan akyu hpyi la ai lam, Ka hkrang shala, mahkawn yu ngwi mahkawn ai lam ni hpe galaw mat wa ai. Dai hpang malu masha jawm lu sha nga let, shachyen shaga lamang galaw ngut ai hpang mahkawn yu ngwi hte shapyaw lamang, htung hking Manau nau ai lam ni hpe galaw la lu sai lam chye lu ai. Kachin Literature Day Report

Jacksonville Kachin Dance Group at World of Nation Event

Posted by Admin Saturday, May 12, 2012 0 comments

Some of the steering committee members and volunteers for Celebrate Asia 2012 Event which will be held on May 12 in Jacksonville, Florida.

ore team members at World of Nations representing Myanmar

Jacksonville Kachin Dance Group at World of Nation Event in front of Burma Tent..

KIA hte U.S. gaw na Wunpawng sha ni hkrum bawngban

Posted by Admin 0 comments

KIA hte U.S. gaw na Wunpawng sha ni hkrum bawngban Feb 9, 2012 PART 1 KIA hte U.S. gaw na Wunpawng sha ni hkrum bawngban Feb 9, 2012 PART 2 By:http://www.youtube.com/user/asut666

RECENT
TAGS
LABEL