KBC-USA - Announcement

Posted by Admin Monday, December 9, 2013 0 comments

KBC-USA Announcement by Dr. Jum Maw San Awng
Tsaw ra hkungga ai magam gun ni,
 
Karai Kasang a chyeju hte America mungdan de Jinghpaw Wunpawng Hkalup Hpung masha ni du shang nga sai hta, Hkristu a hkum hkrang rai nga ai nawku hpung ni hpe gaw de sa wa ai lam ni mung nga shajang  nga sai. Ndai zawn rai buga hpung ni hpe gaw de let nawku daw jau nga ai hta Jinghpaw Wunpawng Hkalup Hpung ni hku nna hpawng de ai ni nga ai zawn nkau mi gaw Kachin Christian Fellowship hku nna nga ai mung nga nga sai, Jinghpaw Wunpawng Hkalup Hpung ni hku nna gaw de da ai hpung ni hta mung Jinhpaw Wunpawng Hkalup Hpung Ginjaw hte American Baptist Churches (ABC ni hte ading tawk matut ai Hpung ni nga ai zawn nkau mi ginra masa hpung masha ni a masa hta hkan nna Jinhpaw Wunawng Hkalup Hpung hte ading tawk matut mahkai ai lam hta n manu ai majaw, shing n rai n jin ai, shing n rai independent hku nna nga mayu ai majaw Jinhpaw Wunpawng Hkalup Hpung hpe gaw de nna kara hte mung n matut ai ngu ai hku nna nga ai mung nga nga saga ai. 
 
Dai hta nkau buga hpung ni gaw US kaw she du nga sai re majaw KBC ginjaw hte matut n ra sai nga nna hpung de ai mung nga nga saga ai.. US nga ai Baptist Church Body ni hte matut mahkai ai lam masa hta mung kara Baptist church body hte matut tim n ra ai ngu ai hta tinang buga hpung hte manu ai hta hkan nna matut mahkai ai lam ni mung nga nga saga ai. Kara masa lam hku mi raitim Hkalup Hpung ni hta nga ai awm dawm ahkaw ahkang hta buga hpung ni hpe gaw de ai re majaw yawng gaw shi hte shi rai nga saga ai.
 
Ndai zawn rai nna Buga hpung ni hpe gaw de nga ai hta: 
 
(1) Texas Jinghpaw Wunpawng Hkalup Hpung (TXKBC, Fort Worth, TX, Indiana Jinghpaw Wunpawng Hkalup Hpung 
( 2 )(IKBC, Indianapolis, IN), 
(3) Michigan Jinghpaw Wunpawng Hkalup Hpung (MKBC, Grand Rapids, Mi) hte
 
 (4) Hanson Jinghpaw Wunpawng Hkalup Hpung (HansonKBC, Houston, TX)
 
 buga hpung ni hku na gaw hpung hpe hpaw ninghtan sa wa ai kaw nna Buga de nga ai KBC Ginjaw hte matut mahkai na matu daw dan let, dai hta sha n ga anhte hpe Hkalup Hkring htawng hte Madu a Mungga hpe sa du htawn tsun, pawn ba la ai American Baptist Churches  (ABC, USA hte matut mahkai let shanhte a nawku hpung ni hku nna USA e hpung hpe gaw de na matut daw dan da saga ai. Ndai zawn rai nna Buga hpung mali ni hku nna Jiwoi Jiwa ni hpe jaw da ai Hkalup Makam Hkringhtawng lam hta rawt jat let Madu a ninghtoi tai lu na matu kahkyin gudin ai lam hpe mung galaw na ra ahkyak ai majaw,
 laiwa sai October 26, 2013 ya hta KBC GInjaw kaw nna Ninagtau Ningbaw hte AMu Madu Kaba yan du ai aten hta Hkringhtawng lam, Nawku masa lam, nawku hpung up hkang masa lam hte sasana myit shingran bung ai Jinghpaw Wunpawng Hkalup Hpung mali hku nna Jinghpaw Wunpawng Hkalup Hpung Ni, USA (Kachin Baptist Churches, USA) hpe hpaw ninghtan dat saga ai lam shana dat saga ai. 
 
Sara Kaba ni hku nna myiit shingran ai KBC USA ngu nna hpaw na lam hta Hkam la ai Karai Masa lam, Nawku daw jau ai lai masa, Nawku hpung a hkrang masa, Ginjaw ni hte matut mahkai ai lam ni hta shada shabung la ra na lam ni law law naw nga na re hpe mung mung mada nngai dai re ai. Dai re ai majaw lahta na buga hpung ni hku nna KBC Ginjaw hte ABC ginjaw hte matut mahkai let sasana bungli ni hta myit lawm hkum lawm shang lawm, shanhte a matsun maroi hpe hkam la nna, Jinghpaw Wunpawng Hkalup ni, USA (Kachin Baptist Churches, USA ngu nna hpaw ninghtan sa wa ai lam re hpe shana dat ga ai law.  
 
Hkristu a magam hta,
Dr. Jum Maw San Awng
Coordinator 


Laiza Ethnic Armed Organizations Conference Statement

Posted by Admin Saturday, November 2, 2013 0 comments

http://hugawngkachin.blogspot.com/2013/11/laiza-ethnic-armed-organizations.html



KACHIN ALLIANCE U.S.A hta hpaw hpang wa ai lam. (1)

Posted by Admin Tuesday, September 17, 2013 0 comments

KACHIN ALLIANCE U.S.A hta hpaw hpang wa ai lam. (1)




Kachin Partnership program'( JKBC )
American mungdan e shanu nga ai Jinghpaw wunpawng ramma ni Kanu mungdan Madu buga de nhtang wa nna hpaji jaw pawn ba lakawn la ai lamang,

Ndai lamang gaw shawng nnan lang na USA dakkasu jawng ma, ram ma ni kaw na Kanu mung dan Kachinland de sadu kawan ai lam re .

Ndai zawn byin tai wa lu ai gaw Florida Jackson Ville Jinghpaw Wun pawng Hka lup Naw ku hpung ( JKBC ) a shkut shaja Karum shing tau madi shadaw ai lam a majaw byin tai wa lu ai lam rai nga ai.JKBC a Kachin Partnership program hta
(A) Mai gan mung dan nga kaba wa ai JWP ram ma ni hte Kanu mung dan Kachinland e nga ai ni shada tsaw ra hku hkau let lam shagu hta Mung kan madang dep ai hku nna shakut shaja kalu kaba sa wa na lam,
(B) Maigan Mungdan Nga kaba wa ai JINGHpaw Wunpawng ram ma ni Madu mungdan,buga hpe n malap ai sha grau chye na wa na lam,
(C) Amyu Htung hking ,Sut masa,mung masa,Karai Makam masham masa  lam amyu myu a matu yaw shada ai lam chye lu ai.
------------------------------------------------------------------------------
Buga de wa ap nawng ai Dak kasu jawng ma ni hte hkrum shaga ai lam:
------------------------------------------------------------------------------
Media:

Ya na zawn nan hte hpaji shakut nga ai ram ma ni buga de wa ap nawng ai shiga na lu majaw ( JKBC hte USA mungdan e shanu nga ai ) an hte Jinghpaw wunpawng myu sha ni yawng a malai ngai hku nna grai arawng la, shakawn shagrau  sai law.shawng nnan lang na galaw sa wa ai lam re majaw yawng a matu kasi la mai lam mung rai sai,

shachyen ai lam:
Sha ga mying,Asak, Dai daw buga ,Ya shanu nga ai mung dan hte hpaji hkaja nga ai lam chye ju hte tsun dan rit.

Jawng Ma :
Shaga mying gaw Jap Ja Ngai Awng ,asak gaw 19 ning ,20 ning de shang wa sai,Dai daw buga gaw Myitkyina Shatapru,Ya du nga ai gaw USA mung dan Florida re.Hpaji hkaja nga ai gaw Yale University ,Major : Political Science and Judaic Stuies ,Kaw e Mung masa hpaji hpe sharin nga ai 4 ning rai sai.
Jap Bura Lu gaw nye kanau re,University of Florida Kaw e Telecommunication hpaji sharin nga ai 2 ning rai sai.

Media:
Kanu mungdan e kade ram na hkra wa nga nna,gara shara kaw ap nawng mugun ai lam,Mahkrum madup ,Hkam la,yinla,mumada ai lam ni tsun dan rit.

Jawng ma:
Kanu mungdan e 2013 ning laimat wa sai shata 2 ram Kanu mung dan de sadu ap nawng sai hku re.Shara, location gaw KTC Nawng nang Chyum Dak kasu kaw rai nna,Myitkyina Kachin Baptist Association: youth committee ni hte hkrum zup ai lam mung nga sai.

Mahkrum madup

- jawng ma 200 daram hpe sharin wa ai
- MSE (Masters of Divinity, Special English). A hte B class lahkawng yan hpe English Communication Skills sharin ai. Special English ngu ai gaw MDiv first year nlung shi yang English loi mi naw gram ra ai nga ai ga re. A class kaw jawng ma 40 daram, B class kaw jawng ma 40 daram nga ai. class gaw bat mi hta 1 lang 2 hours 40 minutes sharin ai.
- BSE (Bachelor of Theology, Special English). English Communication Skills sharin wa ai. Jawng ma 40 daram nga ai. class hours/frequency same as MSE.
- BTh 3rd year (Bachelor of Theology 3rd year). A hte B class lahkawng yan hpe Academic Writing sharin ai. A class kaw jawng ma 26, B class kaw jawng ma 26 nga ai. bat mi hta 1 lang, 2 hours sharin ai.
- BATS (Bachelor of Arts in Theological Studies). English Communication Skills sharin wa sai. jawng ma 12 nga ai. batmi hta 1 lang, 2 hours sharin ai.

Hkam la ai lam:
WP sha langai hku na gaw tinang dangdi dangdap ai hku nna tinang tsawra ai dik ai amyu hpe garum madi shadaw na lit anhte yawng kaw nga ai ngu na hkam la da ai. Dai majaw ngai hku na gaw ap nawng na ahkaw ahkang lu ai, tinang gaw tinang na amyu sha ni hpe garum shingtau ai lam kaw tsap lu ai majaw grai ma kabu ai, Karai a chye ju hpe mung ndang tsun hkra shakawn nngai. Ngai na lit hpe maga mi hku na shadik shatup ai lam re ngu na hkam la ai.

Mumada ai lam:
 Wunpawng myu sha ni hte seng na gaw lam shagu hta  grai naw shakut ra ai ngu mu ai. Grau nna  hpaji hte seng na, tsawm ra myi naw hpang hkrat taw ai ngu mu ai. Dai hta n-ga hpaji hpe WP ramma ni grai sharawng shara let hkaja taw ai lam hpe nau nmu lu ai hku re. Hpaji gaw manu dan ai nga ai chye ai. Raitim tatut gaw manu shadan let hkaja tam ai lam nnga ai daram re ngu mu ai.

Yinla ai lam;
Dai majaw ngai hku na gaw hpaji hpe madung da let WP amyu sha ni a rawt jat galu gaba lam kaw ngai dangdi dangdap ai hku nna shanglawm ra ai ngu yin la da ai.

Hkamsha ai lam:
Ngai gaw asak grai naw kaji ai 7 ning ram kaw na maigan de buhtawt nna USA ga nga kaba wa ai re.ya na zawn tinang mungdan buga de bai nhtang wa yu yang ,nye a myu ,nye a mung dan Hpe ngai grai pawn ba la ra sai,Myu tsaw mung mung tsaw myit ni grau rawt jat wa ai zawn hkam sha ai.An hte maigan nga ai ni majoi hkum lagawn nga sa nmai sai,Mungdan shagu na ramma ni hpaji shakut nna buga de lawan wa ap nawng daw jau  ra sai.An hte hpe, Karai kasang gaw ning shawng share hku nna dat dat ai re, yawng hpe hkye la na matu ahkaw ahkang lu ai mung dan hta nmau nga ai sha lawan shakut hka ja la nna tinang Myu hte mungdan a matu ap nawng ra sai ngu hkam sha wa nngai law.
Media :
Yana zawn nrau nhtau hpaji shakut kyin taw ai ten kaw na yawng chye lu na matu tsun sang lang dan ai ,Jap Ja ngai awng hte Jap Bu ra lu hpe Grai chye ju dum ga ai law.
ten lu yang daw II hku nna USA kaw hpaji hkaja la yang na Mahkrum madup ni hpe san htai naw galaw na ga ai,Chye ju kaba sai.




Yawn Hkyen shiga

Posted by Admin Sunday, August 18, 2013 0 comments

August 13,2013

 
Myitkyi na Dumare kaw nga kaba wa ai,''Slg Chyahkyi La Awng'' gaw ndai Aug 13 ,2013 shani American Mung dan e Madu ye su hta yup pyaw mat wa sai lam chye lu ai,

Jinghku jing yu hte sum tsan na Shi manaw manang ni yawng  kyu hpyi myitdum ya na lam shana dat ga ai.

ဒီေနညေန USA,နယူးဂ်ာစီ တြင္ထိုးသတ္ေသာMMA လက္ေ၀ွ႔ပြဲ တြင္ " ကခ်င္အမ်ိဳးသား MMA Fighter ,Aung la Nsang(Burmese Python) ကို ျပိဳင္ဘက္ျဖစ္တဲ့ Shedrick Goodridge က ဒုတိယအခ်ီ အေရာက္မွာ အရႈံးေပးသြားတဲ့အတြက္ ယခုပြဲမွာ ေအာင္လအင္ဆန္ က ျပတ္ျပတ္သားသား အနိုင္ရရိွသြားျပီ ျဖစ္ပါသည္။
Aung la nsang(Burmese Python)
Thank you God for blessing me with the victory. Thank you friend, family and fans for the unending support. Love you guys.
(By- Aung La N Sang)

Pages

Burmese troops kill unarmed Kachin civilian

Rawt malan

Rawt malan

Labels

Announcements (9) cartoon (1) contact (1) Document (3) Education (1) English (1) Event (1) Hti Hpa (1) interview (3) invitation (3) laikangau (41) MAHKAWN (2) Mail (1) masa (1) Mungga (2) new (2) news (148) ning mu (2) photo (6) refugee (2) Shiga (2) special (2) Sumla (1) video (32) web (2)

Love Kachin (KIA)Myutsaw shayi

Love Kachin (KIA)Myutsaw shayi

ငါတို႔ရဲ႕ျမစ္ဆံု ကုန္ပါၿပီ

ငါတို႔ရဲ႕ျမစ္ဆံု ကုန္ပါၿပီ

IrraWaddy Not For Sale

IrraWaddy Not For Sale
မြစ်ဆုံ ရေကာတာ ဆက် မဆောက်ဖို့

က်ဳပ္တုိ႔ေတာ့ ဒီကိစၥေတြကို ဘယ္ေတာ့မွ ေမ့မွာ မဟုတ္ဘူး

က်ဳပ္တုိ႔ေတာ့ ဒီကိစၥေတြကို ဘယ္ေတာ့မွ ေမ့မွာ မဟုတ္ဘူး
Read More Click on photo

Htet dat na

Blogumulus by Roy Tanck and Amanda FazaniInstalled by CahayaBiru.com

Label Category

Followers