Posted by
Admin
Monday, October 29, 2012
Daini October 28, 2012 (laban) shani Willowgrove,PA U S A kaw wunpawng myusha marai 20 ram du zup let, 52 ning hpring K I O masat n-htoi lamang hpe ngwipyaw awng dang ai hte galaw la lu sa ga ai. Lamang hta Shd.N-ka Zau Tawng tingnyang-up, Slg.Tangbau Kam li KIO mungga hti shalai, Shy.Lasap Hkawng Nyoi(Ann) Lakjet, Slg.Gunhtang Nawng Lat hkumtsup kyu hpyi hte, Shd.Govak Dau Ze lusha chyeju shakawn rai let, shang lawm gun hpai shajang lai wa sai. Lamang hta du wa lamang ni hte seng ai lam ni, amyu sha ni a ra mara lam ni shada tsun sang lang jahkrup la ai lam (latest kachin news update and sharing informations) ni mung lu galaw la sa ga ai. America mungdan sinpraw hkran panglai hkin gau masawn mayan hku "HUrricane Sandy" n-bung laru (75-95 miles per hour) n-dai tawng ya mi laman ( October 27-November 2) du na re lam Radio,TV,Internet, Road sign ni hta shana shabra ding yang e n-hkrit n-tsang hte buga na myutsaw share shagan ni hpe myit n-gun la let, 52 ning hpring KIO masat n-htoi hpe lamang byintai awngdang ai du hkra myit n-den shaja n-na, shakawn shagrau kabu aw law la lu sa ga ai.Lamang hta sa du shanglawm ai ni yawng hpe chyeju dum shagrau salam (salute) hkungga jaw dat ai zawn, myit du, akyu hpyi karum ai ni hpe mung chyeju dum ga ai.
0 comments