Laiwa sai July praw 4, 2013 (Thur) ya 'U.S Independent Day' shani 2pm - 9pm lapran  Siebark park, Camphill, PA  kaw an-hte 'PA&NJ KACHIN FELLOWSHIP'  ni a '2 NING LADU HKRUM HTE GINHTAWNG N-GUN AWAI HPAWNG' hpe du sa masha marai 100 daram hte ngwi pyaw awngdang ai hku galaw la lu saga ai. Shawng nnan lamang Tingnyang-up Shy. Lasap Hkawng Nyoi (Ann) hku n-na lamang mahkyen hti dan ngut ai hpang lamang hpe karai kasang kaw akyu hpyi ap ai. Williamsport na ramma ni hku n-na 'Shakawn let Nawku Dawjau(Praise&Worship) hpe litla woi awn mat wa ai. Dai hpang lamang hpe lawu na jarang hte maren galaw mat wa ga ai;

1.Ya akahtet kamawt sha Wunpawng buga na du sa wa ai Jau(Father). Philip Mahka Naw Awng hku n-na ya yang wunpawng buga hta byin nga ai Hpyen masa, Mung masa, Mung shawa ni a hkawmsa hkawmwa galaw lu galaw sha nga pra masa lam, UN datkasa ni Myitkyina Edin Chyum Jawng de sa du kawan ai shaloi na tsun jahta hkat ai lam ni  hpe tsun shana dan n-htawm, maigan ga e Wunpawng myusha ni gara hku myithkrum kahkyin gumdin n-na nga hkawm pra sa ra ai lam Karai mungga hte lakap let n-gun jaw ga tsun mat wa ya ai. Bai WAJAU hku n-na sha, 'PA&NJ KACHIN FELLOWSHIP' a 2013 - 2014 mugun ladaw a mugun ni hpe akyu hpyi shaman ya ai. 

2. Dai hpang Shy. Lasham Seng Mun Pan hku n-na America mungdan kaw datkasu jawng lung na matu chyeda chyemai ging ai mahkrun lam masa (U.S student life) ngu ai lakjet jaw ya ai. 

3. Shy. Lahtaw Ah-Naw hku n-na 'Wunpawng Myu Shayi Hpung (KWA-T)' a lam hte ya yang U.S.A kaw wunkut sa hpungjat nga ai lam ni, K.W.A.T  a ya yang na yi ngam magam bungli lam ni hpe tsun shana jahpra dan ai.

4. Bai Mr. Davis Bill   hku n-na 'U.S base(INGO) International Human Rights Watch' a lam ni hte shi hkum nan Wunpawng Buga Laiza hte makau grupyin hkan 2011 September e bungli wa galaw ang ai shaloi na mahkrum madup ningmu lam ni hpe tsun jahpra dan ai. 

5. Slg. Hpauda Tu hku n-na 'Wunpawng myusha ni a ginru ginsa labau lam' hpe Dr. Lahtaw Gumse ka shapraw ai labau Laika buk langai hte Du kaba Manam Tawng a labau hkai DVD sumla hkrung langai yan hpe hta shamyet shanat let lakjet jaw la ai.

6. Sr. Lahtaw Zau Ja hku n-na, karai kasang mungga 'Madu Yesu a Hkyehkrang la ai lam (Salvation)' hte seng ai lam hkaw tsun n-gun jaw mat wa ai.

Dai hpang Shd. Marip Zau Lum hku n-na laksan akyu hpyi woi awn la n-na, Jau. Philip Mahka Naw Awng shaman ai hte lamang hpungdim ai. Lamang ngut ai hpang malu masha jawm lusha, Padang Manau jawm nau rai angwi apyaw bra wa saga ai.

0 comments

Post a Comment

Pages

Burmese troops kill unarmed Kachin civilian

Rawt malan

Rawt malan

Labels

Announcements (9) cartoon (1) contact (1) Document (3) Education (1) English (1) Event (1) Hti Hpa (1) interview (3) invitation (3) laikangau (41) MAHKAWN (2) Mail (1) masa (1) Mungga (2) new (2) news (148) ning mu (2) photo (6) refugee (2) Shiga (2) special (2) Sumla (1) video (32) web (2)

Love Kachin (KIA)Myutsaw shayi

Love Kachin (KIA)Myutsaw shayi

ငါတို႔ရဲ႕ျမစ္ဆံု ကုန္ပါၿပီ

ငါတို႔ရဲ႕ျမစ္ဆံု ကုန္ပါၿပီ

IrraWaddy Not For Sale

IrraWaddy Not For Sale
မြစ်ဆုံ ရေကာတာ ဆက် မဆောက်ဖို့

က်ဳပ္တုိ႔ေတာ့ ဒီကိစၥေတြကို ဘယ္ေတာ့မွ ေမ့မွာ မဟုတ္ဘူး

က်ဳပ္တုိ႔ေတာ့ ဒီကိစၥေတြကို ဘယ္ေတာ့မွ ေမ့မွာ မဟုတ္ဘူး
Read More Click on photo

Htet dat na

Blogumulus by Roy Tanck and Amanda FazaniInstalled by CahayaBiru.com

Label Category

Followers