KTO-USA

Ninghtoi : Dec 4, 2011 (Laban)/Aten : 4pm-7:00pm

SHARA: CHIN REVIVAL BAPTIST CHURCH, Dallas, USA.

Jinghpaw Wunpawng Htunghking hte Laili Laika Hpung ( Texas, USA ) kawn Hkang (Chin) amyu bawsang ningbaw ningla ni hpe CHIN REVIVAL BAPTIST nawku jawng hta Jinghpaw
Wunpawng Htunghking Shat lit hte Myu Sha Lam Yan sa du bawngban jahkrum jahkrup lai wa lu sai.

Ndai zawn sa du jahkrum ai lam hta JLH ningbaw Slg. Lagwi Chang Hkaw kawn Hkang amyu sha ni a tsaw ra myit hte lam shagu hta tatut myit dum karum la ai hpe chyeju dum ai lam tsun shana lai wa sai. Matut nna mung lam shagu hta kahtap nna karum madi shadaw la na matu karum hpyi lajin lai wa sai.

JLH hpaji jaw Shy. Lamau Mun Kying kawn anhte Jinghpaw Wunpawng Ji Woi Ji Wa ni a labau mau mwi hta Hkang amyu sha ni hte ginru ginsa n’gaw htawt yu hkrat wa ai bung nga ai lam, Hkristu hta mung kahpu kanau re nga ai zawn htunghking hku nna mung kahpu kanau re nga ai lam tsun sanglang lai wa sai. Matut nna ya yang byin nga ai majan hte seng nna mung, majan a majaw ru yak tsinyam hkrum sha nga ai Jinghpaw Wunpawng Myu Sha ni
hpe shinggyim nau na tsawra myit hte grau grau nna karum madi shadaw la na matut mung, Jinghpaw Wunpawng Myu Sha ni a htunghking shat lit grai manau dan lachyum rawng ai lam
hpe tsun sanglang nhtawm Htunghking Shat lit hpe Hkang ningbaw ni hpe ap ya sai.

Hkang ningbaw ni kawn mung JLH mu gun malawm ni yawng hpe kabu gara hkap tau hkalum la let manu dan ai Jinghpaw Wunpawng Htunghking hte maren sa du jahkrum ai lam
hpe chyeju dum ai lam, matut nna mung lam shagu hta karum madi shadaw na lam, Jinghpaw ni hte seng ai jahtum shiga ni hpe galoi mung hti, madat ai lam, tatut byin nga ai majan hta KIA
(Kachin) maga de 100% madi shadaw ai lam tsun sanglang lai wa sai.
Dai hpang Htunghking shat lit arau hpran sha let kabu gara awngdang ai hku jahkrum jahkrup bawngban la lu sai.