Laiwa sai laban Febuary 5, 2012 ya shana de 2:30 - 5:30 pm lapran Camphill, PA USA kaw Rawt Malan Ninghtoi Masat lamang hpe ngwi pyaw awng dang ai hte galaw la lu sai lam chye lu ai. Lamang Tingnyang -up hpe Slg. N-sang Gum San, Rawt Malan Mungga hpe Lasap Hkawng Nyoi (Ann), KIA labau hpe Shd. Lagwi Zung Chang, Laksan akyu hpyi ai lam hpe Slg.Tangbau Kamli, N-gun jaw ga hpe Slg.Lasap Hkawng Hawng hte Dawnghkawn hkungga lamang hpe Shd. N-ka Zau Tawng, Harrisburg Ramma ni hku n-na mung Ka hkrang hte yu ngwi mahkawn ni shanglawm gun hpai lai wa sai. Lamang ngut ai hpang malu masha jawm sha rai n-na bra wa sai lam chye lu ai.
0 comments