Dai ni na majan hta Myen de na (16) si nna hkala ai (150) rai sai. Hkala ai nau law wa ai nna Manmaw, N Mawk tsi rung hkan tsi sara wun ni ningra wa ai majaw Myitkyina de na Tsi sara wun (30) jan hpe Manmaw de hkyak hkyak shaga la ngai sai lam. Bruhamu Aung Thu si na daram hkala na htingnut mat wa sai lam, ya yang myen hpyen la ni mung dumbru dumbra rai hprawng ai ni lawm wa sai lam shana wa ai. KIO hpung ni n hkring n sa ninghkap gasat nga ma ai lam na lu ai. KIO hpung ni hkring sa la na a ten pi nlu, shat sha la na aten pi nlu ai majaw Gala Shapre magra sha na gasat nga ai lam na chye lu ai.
KIO, a masat yan (4) jawng yu hpyeng ma Awng Ja hpe Ningtawn Katsi Shagrau na masat hkrum sai lam, Shi gaw shara mi kyaw sha myen hpyen la (30) jan hpe shi chyu gap kau ai nga na lu ai. Ya na KIO hpyen la ni a magrau grang marai rawng ai lam hpe Du kaba ni mung mau nga ma ai lam. Atsam marai grai rawng ai Myu Tsaw Hpyen La ni chyu re lam chye lu ai.
Gum Sen hpe gaw tat kau ai nre sha myen ni a motor si ni nau hkrat ai majaw motor si lawt ai shara de htawt nna matut gasat taw nga dingyang re lam matut shana wa ai.
Mani hkan KIO de na marai (4) si ai ngu hta, dai ni mang bai hkan hta ai shaloi langai mi naw hkrung taw ai hpe sa mu hkye la ai lam shana wa ai. Ya nnan lung wa ai KIO hpyen ma ni a magrau grang ningtawn ai lam hpe mung grai mu lu wa ai lam tsun shiga jaw wa ai.
0 comments