KTO-USA

Mani November 24, 2011 ya shani Williamsport, Pa U S A e Chyeju dum poi (Thanksgiving Day) hpe ngwi pyaw awng dang ai hte galaw la lu ga ai. Lamamng tingnyang up hte laksan lakjet hpe Shd. N-Ka Zau Tawng, hkum tsup kyu hpyi hpe Slg.Latsap Hkawng Dau, chyeju shakawn sak se hkam ai lam hpe Slg. Lasham Gam Bung hte Shy. Ann, hkalum ga hpe Slg. Hpauda Tu, hpungdim kyu hpyi ai hpe Shd.Marip Zau Lum, tingse dum shapyaw ya ai hpe Shd.Gawvak Dau Ze ni shanglawm gun hpai lai wa sai hku re.Shawa yawng hku n-na, Give Thanks ngu ai mahkawn hte Htawng seng mangai ta ngu ai mahkawn ni hte Karai kasang hpe chye ju shakawn lai wa sai. A kyu hpyi ai lam hta 1. Karai kasang hpe chyeju dum shakawn ai lam 2.Buga de na padang hkrunlam majan masing a matu 3.Shawnglam majan pa na share shagan ni a matu 4.Hpyen yen tsinyam ni a matu 5.KIO ningbaw ningla ni, magam gun dap ma ji n-ban ni a matu hte magam dap, makan dap shagu a matu akyu jawm hpyi ya ai. Bai lak san chyeju dum lakjet hta mung American Chyeju Dum Poi a lam labau kadun, Mungkan mungdan Ga Da ka ni a Chyeju Dum poi ni hte Wunpawng sha ni a Chyeju Dum Poi a lam shingdaw sawk gahkyin tang madun tsun jahpra lai wa sai. Lamang ngut ai hpang hkyen lajang da ai malu masha jawm sha rai let, myu sha lam yan hte seng ai lam ni hpe tsun jahta let, lamang hpe ngwi pyaw awngdang ai hte galaw la lu saga ai