KTO-USA

Ah Lawt Awng

Ndau Shana Shabra Laika: Hpyen Yen Lakawn Lanawn Jinghkri



1. Laiwa sai June 9, 2011 shani kaw nna Wunpawng Mungdan Shanglawt Asuya Hpyen Dap (KIA) hte Myanmar Munghpawm Mungdan Asuya Hpyen Dap lapran gap hkat ai a majaw mung shawa masha ni tinang a yi sun hkauna, dum n-ta hte kahtawng mare ni hta na grau shim ai shara de hpyen yen sai. Ya aten hta, dai zawn re hpyen yen ni gaw Jinghpaw Mung hte Miwa Gumsan Mung lamu ga jarit mayan na KIO up hkang ai gaiwang kata kaw masha 15,000[1] jan rai nga sai.



2. Wunpawng Mungdan Shanglawt Asuya a magam dap, makan dap ni hte, nawku hpung ni, mung shawa wuhpung wuhpawng ni, INGO ni gaw tinang a shara kaw dep hkap ai made hpyen yen lakawn lanawn magam bungli ni hpe galaw nga ai re.



3. Hpyen yen masha ni lani hte lani law htam wa ai hte maren malu masha, nga na shara, hkamja lam, ma ni a jawng hpaji lam ni hte seng nna ra kadawn nga ai lam ni law law naw rai nga ai. Ndai zawn re aten, lakawn lanawn magam bungli galaw nga ai wuhpung ni shada mahkri shawn na matu grai nan ra ahkyak nga sai re.



4. Dai majaw, July 2 hte 3 ya laman Wunpawng Mungdan Shanglawt Asuya a magam dap, makan dap ni hte, mung shawa wuhpung wuhpawng ni, INGO ni kaw na kasa ni du lawm ai zuphpawng hpawng nna hpyen yen lakawn lanawn magam bungli hta mahkri shawn let galaw sa wa lu na matu ― Hpyen Yen Lakawn Lanawn Jinghkri (Relief Action Network for IDP and Refugee) hpe hpaw ninghtan dat sai lam ndau shana dat ai.



5. Hpyen Yen Lakawn Lanawn Jinghkri a hkrang hte Coordination Office hte seng ai hpe laksan laika man ni kaw mai yu la mai ai.



Hpyen Yen Lakawn Lanawn Jinghkri

Relief Action Network for IDP and Refugee (RANIR)

Laiza Muklum