Hpyen la, majan hte mung masa gaw Karai Kasang/ Yesu, Chyum Laika hte nhtan shai ai lam re hku mu la/myit la ai hpung masha ni mung nga nga ai, dai majaw majan lam, mung masa lam ni hta shang lawm nmai ai ngu hkam la ma ai. “Chyoi Pra ai Chyum Laika” hta, hpyen la galaw ai, majan kasat ai mi rai, mung masa galaw ai mi rai tim teng man ai hku galaw ai hpe gaw nhtan shai ai hku ka da ai nrawng nga ai.
1).Hpyen la hte, majan gaw Chyum Laika hte nhtan shai ai lam nnga ai hpe lawu e made ka da ai Chyum ga sakse ni hku nna mu lu nga ai.
-Hpyen du/la ni hpe Yesu shamai ya ai (Mt,5-8), hpyen latsa up ai bu/hpyen du shi kaw (Yesu) sa du nna, Madu e nye ma katsing si ai ai ana hte nye nta e a taw nga nna, a ja awa aju machyi nga ai ngu nna shi hpe hpyi nem wu ai, Shi(Yesu) gaw Shi(bu) hpe shamai ya na, ngai sa du na nngai ngu wu ai(Lk, 7:1-10, Yn, 4:43:54).
-Karai Kasang gaw majan hta lawm ai(Pru/ Exodus,17:16)
-Majan dang na matu akyu hpyi ai(1Samuel, l7:8-10)
-Kade nhkru ai hpyen hpe rai tim shamyit kau lu ai (Habaku, 1:5-11)
2).Teng man ai hpyendu/hpyenla ngu ai hpe ndai hku masat la nga ai
-tara hkung ga ai, Karai Kasang hpe hkrit ai, alu bang /garum jaw ai, akyu hpyi ai (Kasa, 10:2)
-jahkrit sharim ai lam n’galaw na, n’teng ai hku mara la ai n’galaw na, h te ti nang lu ai shabrai hte myit mu nga na (do not intimidate anyone or accuse falsely, and be content with your wages (Lk, 3:14)
-hpyen bu wa tsun ai gaw, Madu e, nye nta magaw npu e nang sa shang na gaw, ngai n’gin ndan nngai, ngai mungdu lawu na masha rai nngai (Mt,8:8,9)( hkungga ai).
-Blessed are the peace makers, for they shall see God- simsa lam galaw ai ni Karai hpe mu lu na, jahten shabyak galaw nga ai zawn re hpe zim mat hkra galaw lam hpe simsa lam galaw ai ngu mayu nga ai.(Mt,5:9),
-God blesses those people who make treated badly for doing rights;They belong to the kingdom of heaven- Sumsing mungdan gaw zingri zingrat lam nbin hkra galaw ai ni matu rai nga ai (Mt,5:10)
3). Satan hpyen(Mt,4:10); yubak masha-Sinful people(Habaku,1:11) ngu ai hpe;
-Oxf English dictionary hta Satan hpe cruel person-nhkru ai, gum shem ai, a mischievous person-masha hpe shabryak ai/ jam jau jaw na maw mawn ai ni nga ai.
-Yesu gaw Satan hpe “pru mat wa wu Satan! Jesus answered,” Go away Satan!(Mt,4:10).
-gum shem ai hte nhkru ai, ti-nang a buga nre lamu ga hpe madu la ai (Habaku,1:6)
-sheng mareng re majaw hkrit tsang ra ai, shanhte galaw ai rip-kawp tara ni hpe lang nna arawng sadang lu na matu galaw ai (Habaku,1:7)
-rawng kawk zawn lawan nna chya-hkawn hta pi grau nhkru ai hku rai, hpya lu hpya sha ai gaw lang da zawn rai nga ai ni (Habaku,1:8 )
-kashun la na matu du galaw ai ni, masha rim ai gaw zai bru magra da ai zawn (Habaku,1:9)
-pyaw daw kadaw ai hku nna sha up hkang ai (Habaku, 1:10)
-N’tara ai hku kasat ai (1Samuel, 4:3)
4). Teng man ai hpyen du/la ni a lit gaw hpa rai ta?
-Karai Kasang jaw da ai n’gun atsam ma hkra hte Satan a gung lau maw mawn ai hpe ninghkap na (put on all the armor that God gives, so you can defend yourself against the Satan tricks (Ehpesu,6:11); magrau grang na, Satan hpyen/yubak hpyen hpe shaden na ngu nga ai.
-The Lord told to Moses, before you die; make sure that the Midianites are punished for what they did to Israel. Yehowa Mawshe hpe tsun ai, Israela kashu kasha ni hpe woi shut ai a matu Midian masha ni hpe matai htang mu (Bu Hkawm, 31:1-2); ti nang a amyu maha ni hpe tawt lai shut wa ai ni hpe ninghkap na ngu nga ai.
-Satan hpyen/yubak hpyen ngu shamying ai nhkru nkaja ai hpyen hpung ni kaw nna makawp maga la na matu, garum la na matu, shaden kau ya na matu ngu tsun da ai rai nga ai.
-Kaning rai nme law, hpu nau ni e, shanglawt ai ahkang lu la myit ga, nanhte hpe shaga la myit dai (Galati,5:13)
-Yawng mayawng a matu du hkra ladaw nga nna, sumsing lamu npu e ra mara amtu aten nga nga ai(Hpaji Ningli,3:1)
-Sat kau ai aten h te, nma shamai ai aten mung nga ai(HpaN,3:3)
-Hkrap ngu hkrap ngoi ai h te, mani ai aten mung nga ai(HpaN,3:4)
-Tam mai ai aten h te sum mat ai aten mung nga ai; kyen da mai ai aten h te kabai kau ai aten mung nga ai(HpaN,3:6)
-Gang je kau ai aten hte chyui na aten mung nga ai; atsin sha nga na ht e, ga tsun na aten mung rai nga ai (HpaN, 3:7)
Sum ru yu na matu
# Hpyen la galaw ai, majan gasat ai, mung masa galaw ai gaw; Hkristan ni h te nhtan shai ai kun?
# Karai Kasang/ Yesu, Chyum Laika gaw; Hpyen la galaw ai, majan gasat ai, mung masa galaw ai hpe nyet kau ai kun?
# Ka made da ai Chyum ga hte maren nga jang; myen mung asuya hpyen du/la ni hpe kaja ai ngu na kun? shing nrai Satan hpyen ngu na i?
#JWP amyu ni hpe jahkrit, zingri, roi rip, lamu ga zing madu la, Mali Hka, Nmai Hka ni hpe jahten rai galaw taw nga maigan masha ni hpe ninghkap shaden ra ai kun? dai hku yu shalai kau na kun?
#JWP myusha ni a hpyen dap hpe shagreng ra ai i? shing nrai dawm kau ra ai i?
Ntawng Nhtu
Ref:HolyBible,GideonBible, Chyoipra Chyum Laika,Oxford Dictionary of Current English
0 comments