NLD HPA BAW BYIN MAT SAI KUN?
Maung Zarni
(Dr. Zar Ni ka ai "What really is the NLD now?" ngu ai hpe SK kaw nna Jinghpaw hku bai ka gale tawn ai re.)
"Gumsan wa Thein Sein gaw tengsha mungmasa lam shai wa na hpe ra sharawng ai" nga nna ASSK nan nan tsun dat sai lam Bangkok Post shi laika hta lawm ai. Dai rai yang President Thein Sein a hpyen n-gun hte jum-tek tawn ai mungmasa hkrang gaw hpa rai ta? ngu shawng san yu ra ai. President San Yu a prat hpe dum ai n rai ni?
Revolutionary (Rawt Malan) Council, 1962-74 prat; Ne Win a MSL (1974-88) prat ni gaw shawa ra-lata masa hku sharawt tawn nna Myanmar Munghpawm Atsuya byin ai n re. Dai ni na Thein Sein a Myanmar Munghpawm a marung nra gaw Than Shwe a Tatmadaw re. Matsing: ASSK n-gup hpaw ai majaw hpa baw hpe mahtang shai wa sata?
Ya Thein Sein gaw (Than Shwe a hpyen marung n ra) hta myiman ningnan shakap tawn ya dat sai; Thein Sein hpe mung, hpyen dap e MSL hte Ne Win hpe run agrawp mat wa shangun ai zawn, kata nna kapaw kau dat wa na kun? Than Shwe a shinggyim aprat gaw lani mi hpang lani mi lai mat wa nga ai. Matsing: Ndai hpe n mai malap na re; dingla wa aprat htum mat wa yang Thein Sein a ntsa lam hpyi hpun tawn ai mungmasa hkrang gaw agrawp hkrat mat wa nna hpyen hpung a myiman sha bai kra pru wa mai ai.
Tatmadaw kata e myiman lata nna tsang tsaw de lung wa shangun ai manghkang hpe kaning ngu sawn la na kun? Myen n rai ai malawm amyu ni a buga hpe colony shatai kau ai manghkang hpe gara hku sawn yu ra na kun?
Shinggan e mawng ai shiga hta, sumtsan salang dingsa U Myint, U Thant a kashu Thant Myint U, hte hpyen atsuya gumhpraw sha nna shiga dap jum ya ai Nay Win Maung, hte kaga ni gaw Thein Sein hpe shadaw ai, nga nga ai. Ndai hpe gara hku chye na la na kun? Hpyen hpung hpe shadaw sai ngu na kun? Thein Sein jahpun tawn ai hpyi hpe shadaw sai ngu na kun? Matsing: Thein Sein hpun tawn ai mungmasa hpyi gaw kata e hkrang uhpung n nga ai; kata na hpyen hpung hpe shi uphkag lu ai wa n re.
NLD, democracy ra sharawng ai ni a ningshawng hpa-awn uhpung, hpe dai ni gara hku yu yu ra na kun? Hpyen hpung kun? Thein Sein hpyi palawng kun? NLD gaw dai ni gumshem masa a opposition n rai mat wa sai, Thein Sein a hpyi palawng hpe hkap la kau dat ai majaw ndai hku byin mat wa sai n rai kun?
NLD hpe mung shawa a myit hta tara shang ai mungmasa hpung ngu nna matut hkap la lu na kun?
Hpyen hpung e Munghpawm hpe matut up na hpe dai daram n tsang nngai; mungdan a nga mu nga mai sut lam hpe uphkang ra ai hku woi uphkang na atsam n rawng ai hpe ngai grau myit tsang ai. Bawnu mung n nga ai, jaw ai masa hkan na myit mung n rawng ai, ndai gaw manghkang kaba htum re.
Dip gamyet uphkang ai masa hte rawt malan ai masa gaw galoi mung gapyawn nna byin ai baw re. Shaning tsa-ning jan mat wa tim ethnic nationality ni a rawt malan gaw prai poi mat na n re. Balkan zunlawng, Thailand dingda jut, Northern Ireland ni hpe sakse hku yu yu ga. "Bama" mungmasha ni mungdan uphkang masa hpe rawt malan dinghkat ai gaw 1958 nna dai ni du hkra dingyang rai nga ai.
Rawt malan ai lam dai ni awng dang lu ai lam, garai n byin ai lam, gaw madung n re; matsing ra ai lam gaw rawt malan ai hku mungmasa galaw ai gam maka gaw grin nga ra na re, dai re majaw mungdan kata e ngwi pyaw simsa lu ai ai lam n mai byin na re, ndai majaw mungdan shawa hkum shagu matut hkam sha ra na sha re.
Myen mung a labau hpe chye na ai ni a matu ndai gam maka gaw laklai ai baw n rai mat wa ang sai.
-----------------
Matsing: Thein Sein gaw hpyen n-gun, gumshem masa hpe control n lu ai; hpyi hpun gumsan magam sha re. Thein Sein a matu manghkang jat nna shabyin ya lu yang hpyi-palawng hte kata na gumshem n-gun daw lahkawng a lapran e zang ayai wa na byin mai ai. Tinang a buga hpe gahkyin gumdin la mat wa ai masing masa hte Thein Sein hpe manghkang shabyin ya na lam anhte a shawng lam rai ang sai, ngu asan sha mu lu na saga ai. SK
By:OKA blog
Maung Zarni
(Dr. Zar Ni ka ai "What really is the NLD now?" ngu ai hpe SK kaw nna Jinghpaw hku bai ka gale tawn ai re.)
"Gumsan wa Thein Sein gaw tengsha mungmasa lam shai wa na hpe ra sharawng ai" nga nna ASSK nan nan tsun dat sai lam Bangkok Post shi laika hta lawm ai. Dai rai yang President Thein Sein a hpyen n-gun hte jum-tek tawn ai mungmasa hkrang gaw hpa rai ta? ngu shawng san yu ra ai. President San Yu a prat hpe dum ai n rai ni?
Revolutionary (Rawt Malan) Council, 1962-74 prat; Ne Win a MSL (1974-88) prat ni gaw shawa ra-lata masa hku sharawt tawn nna Myanmar Munghpawm Atsuya byin ai n re. Dai ni na Thein Sein a Myanmar Munghpawm a marung nra gaw Than Shwe a Tatmadaw re. Matsing: ASSK n-gup hpaw ai majaw hpa baw hpe mahtang shai wa sata?
Ya Thein Sein gaw (Than Shwe a hpyen marung n ra) hta myiman ningnan shakap tawn ya dat sai; Thein Sein hpe mung, hpyen dap e MSL hte Ne Win hpe run agrawp mat wa shangun ai zawn, kata nna kapaw kau dat wa na kun? Than Shwe a shinggyim aprat gaw lani mi hpang lani mi lai mat wa nga ai. Matsing: Ndai hpe n mai malap na re; dingla wa aprat htum mat wa yang Thein Sein a ntsa lam hpyi hpun tawn ai mungmasa hkrang gaw agrawp hkrat mat wa nna hpyen hpung a myiman sha bai kra pru wa mai ai.
Tatmadaw kata e myiman lata nna tsang tsaw de lung wa shangun ai manghkang hpe kaning ngu sawn la na kun? Myen n rai ai malawm amyu ni a buga hpe colony shatai kau ai manghkang hpe gara hku sawn yu ra na kun?
Shinggan e mawng ai shiga hta, sumtsan salang dingsa U Myint, U Thant a kashu Thant Myint U, hte hpyen atsuya gumhpraw sha nna shiga dap jum ya ai Nay Win Maung, hte kaga ni gaw Thein Sein hpe shadaw ai, nga nga ai. Ndai hpe gara hku chye na la na kun? Hpyen hpung hpe shadaw sai ngu na kun? Thein Sein jahpun tawn ai hpyi hpe shadaw sai ngu na kun? Matsing: Thein Sein hpun tawn ai mungmasa hpyi gaw kata e hkrang uhpung n nga ai; kata na hpyen hpung hpe shi uphkag lu ai wa n re.
NLD, democracy ra sharawng ai ni a ningshawng hpa-awn uhpung, hpe dai ni gara hku yu yu ra na kun? Hpyen hpung kun? Thein Sein hpyi palawng kun? NLD gaw dai ni gumshem masa a opposition n rai mat wa sai, Thein Sein a hpyi palawng hpe hkap la kau dat ai majaw ndai hku byin mat wa sai n rai kun?
NLD hpe mung shawa a myit hta tara shang ai mungmasa hpung ngu nna matut hkap la lu na kun?
Hpyen hpung e Munghpawm hpe matut up na hpe dai daram n tsang nngai; mungdan a nga mu nga mai sut lam hpe uphkang ra ai hku woi uphkang na atsam n rawng ai hpe ngai grau myit tsang ai. Bawnu mung n nga ai, jaw ai masa hkan na myit mung n rawng ai, ndai gaw manghkang kaba htum re.
Dip gamyet uphkang ai masa hte rawt malan ai masa gaw galoi mung gapyawn nna byin ai baw re. Shaning tsa-ning jan mat wa tim ethnic nationality ni a rawt malan gaw prai poi mat na n re. Balkan zunlawng, Thailand dingda jut, Northern Ireland ni hpe sakse hku yu yu ga. "Bama" mungmasha ni mungdan uphkang masa hpe rawt malan dinghkat ai gaw 1958 nna dai ni du hkra dingyang rai nga ai.
Rawt malan ai lam dai ni awng dang lu ai lam, garai n byin ai lam, gaw madung n re; matsing ra ai lam gaw rawt malan ai hku mungmasa galaw ai gam maka gaw grin nga ra na re, dai re majaw mungdan kata e ngwi pyaw simsa lu ai ai lam n mai byin na re, ndai majaw mungdan shawa hkum shagu matut hkam sha ra na sha re.
Myen mung a labau hpe chye na ai ni a matu ndai gam maka gaw laklai ai baw n rai mat wa ang sai.
-----------------
Matsing: Thein Sein gaw hpyen n-gun, gumshem masa hpe control n lu ai; hpyi hpun gumsan magam sha re. Thein Sein a matu manghkang jat nna shabyin ya lu yang hpyi-palawng hte kata na gumshem n-gun daw lahkawng a lapran e zang ayai wa na byin mai ai. Tinang a buga hpe gahkyin gumdin la mat wa ai masing masa hte Thein Sein hpe manghkang shabyin ya na lam anhte a shawng lam rai ang sai, ngu asan sha mu lu na saga ai. SK
By:OKA blog
