Wai Maw ginwang WA SHAWNG buga mare masha ni gaw myen hpyen ni zing ri ai majaw grai jam jau hkrum sha nga ai lam buga masha ni kawn tsun shana wa ai. Myen hpyen dap kawn mare masha ni hpe shana shagu WA SHAWNG SE (hka dim) sin shangun nga ai lam na chye lu ai. Shanhte myen hpyen la ni gaw KIA myu tsaw ni hpe hkrit n na gap shingan de n pru gwi nna mare masha ni hpe mahtang shim lam la sha-ngun nga ai lam na lu chye lu ai.
HTING LE YANG KAW GAP
Sepetember (15) ya shani kaang daw Wunpawng Mungdan Shanglawt Asuya a Ginjaw Shim dap ni hte Mung Shawa Hpyen Hpung (MHH) ni jawm pawng n na myen tai hpyen ni hte Hting Le Yang mare kaw gap gasat lai wa sai lam shiga na chye lu ai. N dai zawn gasat ai lam a ten ram ram galu hkra gasat lai wa sai lam hpe mung na chye lu ai. Hkrat sum, hkala ai lam ni gaw hkrak rai n chye lu shi ai.
NAM SAN YANG KAW MATUT GAP
Mani Septerber (14) ya shani kaang daw hta Wunpawng Mungdan Shanglawt Asuya hpyen dap hte myen tai hpyen a Hka Ma Ya (438) ni Nam San Yang mare makau Hka La hte Zi Kahtawng lapran kaw matut gap hkat ai lam shiga na chye lu ai. N dai zawn gap gadat ai hta KIA a dingla hpyen hpung ni gap ai re lam hpe mung chye lu ai. Myen de na hkala ai lam ni nga ai tim shiga hkrak rai n chye lu ai.
ya laika ka taw nga ten pyi namsan yang kaw naw gap hkat nga ai lam na chye lu ai
By: JPkasa
0 comments