KTO-USA

Gan jahkring ai gaw pressure amyu myu a majaw rai nga ai, madung gaw Myitsone madim hpe ning hkap n na gasat nga ai KIA a majan hpe amyu baw sang ni sha n rai myen ni hku nna mung hkap la n ngun jaw wa ai majaw hte Mare kaba na ni mung kasu kabrawng byin wa ai hte gaw shanhte kalang ta hkrat sum na lam rai wa ai majaw re. Ya ten du hkra KIA/KIO a sa wa ai lam gaw grai jaw nga ai hte n dai zawn matut sa wa yang gaw miwa mung anhte maga tsap nna madi shadaw mat na ra ai. Ya yang Myen hte miwa gaw Myitsone madim hte Shwe pipeline hpe langai n lu yang lu hkra ngu ai maga de du wa sai hpe mu ai. Myen gaw ya ten du hkra mung masa lam hte majan lam ni grai hkrat sum nga sai ten rai nga sai. Myu baw sang ni hpe shamyit na matu ga baw n mai shakap wa sai. BGF ga baw hte gasat ga nga yang mung Wa ni hpe gaw dai ga n shaga sai majaw anhte hpe mung ginhka nna n mai gasat sai dai hpe ja ja tsun shabrawng ra na re.