KTO-USA

*W.P Amyu sha ni yawng aq atsam jawm shawq/dat na, myit hkrum atsam madun
dan na, aten du ra ai* . Ndai manu dan ai aten hpe shalai kau dat jang,
hpagawn di kau dat jang, atsawm sha asung n jashawn la kawu dat jang, htawm
hpang e ya daini na aten zawn re ai hpe lu la na n lo mat sai. Daini kalang
mi bai lu la ai ahkaw ahkang hpe bai lu la na n rai sai.

Yahte, ya aten byin nga ai mungmasa lam, hpyen majan lam gaw lai wa sai ten
na zawn n rai mat sai lam hpe anhte yawng chye nga ga ai re. *K.K hpe nhtung
nhka baw shatai*, hkunga kamhpa, kam sham, *akyu hpyi let magam bungli lam
shagu galaw hparan sa wa ai lam ni*, Amyu mungchying shawa masha yawng, dap
shawa masha yawng, myu tsaw shanglawt hpyen hpung ni yawng a myit hkrum
mangrum let akyu hpyi ai nsen gaw Sumsing Kawa Karai Kasang kawq hkawn
hkrang pru du mat wa sai re. K.K a lamu Kasa ni anhte myu tsaw shanglawt
hpyen hpung ni kaw lawm ya nga sai. *Anhte K.K hpe kam hpa, tsawra nga ai
zawn, K.K anhte hpe bai kam hkra mung hkawm sa nga na grai ahkayk nga ai
oi!!*

*Mungkan Hkristan hpung shawa masha ni, W.P amyu sha hkristan kam sham ai
hpung masha ni yawng (KIO/KIA) Myu Tsaw shanglawt hpyen hpung, hpyen la ni
yawng a matu, shawng lam majan pa a matu, Ngangkang grin ai simsa lam
mungdan amyu sha ni yawng a matu akyu kaja pru ai mungmasa mahtai, Amyu sha
ni ra sharawng ai, myit mada ai, gasat, hpyi shawn nga ai Madu shanglawt
awngdawm ahkaw ahkang, tsep kawp lu la na matu, aja awa akyu jawm hpyi myit
dum ya nga ga ai re* .

Dai akyu hpyi ai nsen ni hpe Karai Kasang na ya nga sai re. Dai majaw shawng
lam majan pa hta nga ai, hpang lam hta nga ai hpyen num hpyen la, Du gyi
Salang ni, amyu sha ni yawng hte e.. hpa n hkrit n tsang ra nga sai. *Shagri
N kaja ga!!! Sai N kaji ga!! Myit hkrum let Bungli gaba hpyen man jawm galaw
wawq dat na sha ra sai!!*! Daini, ya ten byin ai majan gaw Myu tsaw
shanglawt hpyen la, hpyen hpung ni a majan sha n re, Wunpawng Amyu Sha Mung
Shawa Majan re ai hpe myit dum hprang nga sai hta grau nna dum hprang ga, n
gun dat ga!!

Bai nna * Wenyi Makam masham majan mung re. Myen Asuya ni a kam hpa dik nga
ai hpunggyi kaba, Nat sara kaba ni a wu ai lam ni, Yadayashe galaw ai lam ni
gaw, amyu sha ni a myit hkrum mangrum let lu sha gam akyu hpyi ai atsam hpe
sum mat wa sai. Moi Egutu mungdan hta K.K a masha Mawshe hte Egutu Hkawhkam
a Nat hpara, Nat sara kaba ni shada lawng dat wu shingjawng hkat ai hte
maren dai ni mung anhte W.P amyu sha Hkristan Nawku hpung masha ni a makam
masham hpe Satan wa htim gasat taw nga sai re. W.P amyu sha Hkristan nawku
hpung masha ni matut matut nna myit hkrum let akyu hpyi shaja nga na lam
grai ahkayk nga ai re.*

Lai wa sai ten hta Amyu w.p sha ni makam masham wenyi su hprang ai lam hta
gawngkya ai a majaw, Myu tsaw ningbaw ningla ni a makam masham gawngkya ai
majaw, K.K hpe nhtung nhka n shatai ai lam ni a majaw Myen hpyen asuya
hpunggyi kaba, nat sara kaba ni a wu ai lam hpe n lu ninghkap, hkrat sum
hkrum lai wa sai re. Raitim,daini na Myu tsaw ningbaw ningla ni, hpyen num
hpyen la ni yawng a makam masham ni grai su hprang mat wa sai. Dai lam ni
gaw awng dang na lam a npawt nhpang rai taw nga sai hpe myit dum ra ga ai.

Hpa majaw? Sasana Sara Kaba Dr. Ola Hanson a shaman majai, matan numhtet kau
da ai ga shaka hta daini Anhte amyu w.p sha ni ndai madang de du hkra tsap
taw nga lu ai, hkawm sa taw nga ai majaw re ngu yang n shut na
nhten!!.*Chyurum ai pawngyawng amyu sha ni/Kachin amyu sha ni a lawt
pru na Chyinghka
lam gaw- Hpanwa Ningsang Chyewa Ningchyang Karai Kasang a mying ningsang hte
Chyum mungga, makam masham lam hta ningpawt kabye shara shatai, jum tek let
hkawm sa wa yang chyu sha, lawt pru na chyinghka lam kaba de du wa lu
na*lam nga ai hpe amyu w.p sha ni yawng, masin salum bawnu hta matsing
bang da,
dum chye na grai ahkyak kaba re!! N tara ai ni a wan shingnan, wan sau gaw
htum mat wa na, raitim tara ai ni a wan shingnan, wan sau gaw tut e hpring
taw nga na lam chyum mungga hta anhte hpe n gun jaw da nga ai hte maren,
daini Amyu W.P sha ni a aten du ra ai, Htoi san ai Ningkaw jan pru wa hkyen
nga sai. Wenyi makam masham lam hta n gun dating let satan hkanghkyi hpyen,
masu ndum matse labye hpe jawm gasat kau ga!!!